![Azərbaycan məktəbliləri İnformatika üzrə Avropa Olimpiadasında növbəti uğura imza atıblar!](https://turan.az/resized/media/2023/main/092200066979-750-500-resize.webp)
Azərbaycan məktəbliləri İnformatika üzrə Avropa Olimpiadasında növbəti uğura imza atıblar!
Azercell-in dəstəklədiyi milli komanda Yeniyetmələrin Avropa İnformatika Olimipadasından nailiyyətlə vətənə dönüb
8-14 sentyabr 2023-cü il tarixlərində Gürcüstan Respublikasının Kutaisi şəhərində Yeniyetmələrin Avropa İnformatika Olimpiadası (EJOİ 2023) keçirilib. Fransa, Belçika, Estoniya, Macarıstan və ümumilikdə 24 Avropa ölkəsindən 96 məktəblinin təmsil olunduğu olimpiadada azərbaycanlı şagirdlər də iştirak edib.
4 nəfər şagirddən ibarət komanda ilə bu mötəbər elm yarışında iştirak edən məktəblilərimizin hər biri nailiyyətlə vətənə dönüb. Belə ki, Bakı şəhəri, Akademik Zərifə Əliyeva adına liseyin 10-cu sinif şagirdi Ayxan Dəmirli gümüş medala, Bakı şəhəri Fizika, riyaziyyat və informatika təmayüllü liseyin 10-cu sinif şagirdləri Raul Cəfərli və Elvin İmanlı bürünc medala, Sumqayıt şəhəri, 23 nömrəli tam orta məktəb 9-cu sinif şagirdi Nəsir Bəşirov isə həvəsləndirici mükafata layiq görülüblər.
7-ci dəfə təşkil edilən Yeniyetmələrin Avropa İnformatika Olimpiadasında şagirdlərimiz 2017-ci ildən etibarən iştirak edirlər və ümumilikdə 3 gümüş, 6 bürünc medal qazanıblar.
Xatırladaq ki, məktəblilərin İnformatika fənni üzrə Beynəlxalq Olimpiadalara hazırlıq prosesi ölkənin aparıcı mobil operatoru “Azercell Telekom”un Elm və Təhsil Nazirliyi ilə əməkdaşlığı çərçivəsində həyata keçirilir. ®
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz