Açiq mənbələrdən foto.
Bakı/16.11.21/Turan: Noyabrın 16-dan 19-dək Haaqa (Niderland) şəhərində "Piyada əleyhinə minaların istifadəsinin, ehtiyatının toplanmasının, istehsalının və ötürülməsinin qadağan olunması haqqında" BMT Konvensiyasına üzv dövlətlərin illik konfransı keçirilir.
Bu barədə Minalar Əleyhinə Azərbaycan Kampaniyası İctimai Birliyi məlumat yayıb.
Konfransda Piyadalar Əleyhinə Minaların Qadağan Olunması Uğrunda Beynəlxalq Kampaniya “Landmine Monitor Report 2021” hesabatını ictimaiyyətə təqdim edib.
Hesabatda bildirilir ki, dünya ölkələrinin 80%-i, yəni 164 ölkə adı çəkilən Konvensiyaya qoşulub. 33 dövlət, o cümlədən də Cənubi Qafqaz ölkələri bu Konvensiyaya qoşulmayıb. Sonuncu hesabata əsasən, 38 ölkədə və 3 qeyri-dövlət ərazisində minatəmizləmə əməliyyatları keçirilib.
"Artıq ardıcıl olaraq 6-cı ildir ki, minaların və partlayıcı qalıqlardan zərər çəkənlərin sayı artmaqdadır və hesabat dövründə minalardan zərər çəkən 7073 nəfər qeydə alınıb. Zərərçəkənlərin böyük əksəriyyətini (80%) mülki şəxslər təşkil edir, onların təxminən yarısı uşaqlardır", deyə sənəddə qeyd edilir.
Ərazilərinin minalardan tamamilə təmizlədiyini elan edən ölkələrin sayı 31 təşkil edib. Konvensiya imzalandıqdan sonra ümumilikdə 55 milyon mina məhv edilib. 41 ölkə mina istehsalını dayandırıb, 12 ölkədə istehsal hələ də davam edir.
Məlumata əsasən, Azərbaycan minaların qadağan olunmasını nəzərdə tutan Konvensiyaya qoşulmayıb. Azərbaycan rəsmi olaraq bildirib ki, bu Konvensiyanın məqsədlərini, o cümlədən yerüstü minaların tamamilə qadağan olunmasını dəstəkləyir, ancaq öz ərazi bütövlüyü pozulduğuna görə sənədə qoşula bilməyib.
"Azərbaycan yalnız Ermənistanla sülh sazişi imzalandıqdan sonra bu Konvensiyaya qoşula bilər. Buna baxmayaraq, Azərbaycan 2005-ci ildən başlayaraq BMT-nin Baş Assambleyasında bu müqavilənin universallaşdırılmasına yönəlmiş qətnamələrin lehinə səs verir.
Bakı dəfələrlə bildirib ki, piyada əleyhinə mina istehsal və ixrac etmir", deyə Minalar Əleyhinə Azərbaycan Kampaniyası İctimai Birliyinin sədri Hafiz Səfixanov qeyd edib.
Rəsmi məlumatlara görə, 44 günlük Qarabağ müharibəsinin başa çatmasından sonra Azərbaycanda 25 mülki şəxs minaya düşmə nəticəsində həlak olub, daha 36 mülki şəxs isə xəsarət alıb.
Ümumilikdə münaqişənin başlanğıcından etibarən, 2020-ci il də daxil olmaqla, Azərbaycanda müharibənin partlayıcı qalıqlarından 2439 nəfər zərər çəkib, onlardan 383 nəfər ölüb və 2056 nəfər yaralanıb. -03B06-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz