Açiq mənbələrdən foto.
Bakı/12.06.20/Turan: Ermənistanın sərhəddə yerləşən Areguni kəndində (Azərbaycanın Gədəbəy rayonu ilə həmsərhəd) sərhədi keçən Azərbaycan vətəndaşı saxlanılıb. Bu barədə "Sputnik Armenia" yerli hakimiyyətə istinadla məlumat verib. Adı açıqlanmayan 26 yaşındakı kişi Ermənistanın Təhlükəsizlik Xidmətinə təhvil verilib və orada dindirilir.
Xüsusi xidmət əməkdaşları onu aparmazdan əvvəl Azərbaycanlı kənd sakinlərinə naxırçı olduğunu, ona pul ödənilmədiyi üçün çobanla mübahisə etdiyini və dünən axşam sərhədi keçmək qərarına gəldiyini bildirib. DTX-dən hələlik hadisə ilə bağlı şərh verməyiblər. Azərbaycan tərəfi də hələlik vəziyyəti şərh etmir.
Xatırladaq ki, 2019-cu ilin martında da buna bənzər hadisə olub, Azərbaycan vətəndaşı Ermənistan tərəfə keçib. Onun aqibəti haqqında heç bir məlumat yoxdur. -02D-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz