Şahin Hacıyev
Azərbaycan Xalq Cəbhəsi Partiyasının fəalı narkotik maddələrin qanunsuz dövriyyəsi ittihamını rədd edir
Bakı/11.02.22/Turan: Azərbaycan Xalq Cəbhəsi Partiyasının fəalı Şahin Hacıyev ona qarşı irəli sürülmüş narkotik maddələrin qanunsuz dövriyyəsi ittihamını rədd edir.
Hacıyev 26 noyabr 2021-ci ildə saxlanılıb və polis ona qarşı Cinayət Məcəlləsinin 234.4.3-cü maddəsilə (külli miqdarda narkotik maddənin qanunsuz dövriyyəsi) ittiham irəli sürüb.
O, ictimaiyyətə müraciətində sifarişlə saxta ittiham əsasında həbs edildiyini bildirib.
“Mənim evimə basqın edilib və heç bir sənəd təqdim olunmadan məni evdən aparıblar. Evimdən iki noutbuk götürüblər. Kompüterlə narkotik maddənin nə əlaqəsi var?", - o yazıb.
Hacıyev protokolları işgəncə altında imzaladığını bildirib. Fəalın bildirdiyinə görə, onu saxlayandan sonra heç bir ekspertiza aparılmayıb, işə isə saxta rəy əlavə edilib.
"Yazıblar ki, məhkəmə- narkoloji ekspertizanın 29 noyabr tarixli rəyinə əsasən, mən heroindən sui-istifadə nəticəsində narkomaniyadan əziyyət çəkirəm. Lakin noyabrın 29-da heç bir narkoloji ekspetiza keçirilməyib. Mən heç vaxt siqaret və spirtli içki istifadəçisi olmamışam”, - Hacıyev yazıb.
Azərbaycan Xalq Cəbhəsi Partiyasında əmindirlər ki, fəalın həbsinin əsl səbəbi onun sosial şəbəkələrdə hakimiyyətin ünvanına tənqidi yazılarıdır.—06В-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz