Azərbaycan yığması dünya vitse-çempionu ilə heç-heçə oynayıb
Bakı/09.09.19/Turan: Azərbaycanın futbol üzrə yığması sentyabrın 9-da Bakıda Avro-2020 seçim mərhələsi matçında dünya vitse-çempionu Xorvatiya komandası ilə heç-heçə oynayaraq öz azarkeşlərini yaxşı mənada təəccübləndirib.
Oyun başlayan kimi qonaqlar kütləvi hucuma keçiblər və Azərbaycan yığmasının qapısı önündə təhlükəli məqamlar yaradıblar.
Lakin ev sahiblərinin debüt edən qolkiperi Emil Babayev yaxşı oynayıb, komandasını gözlənilən qollardan xilas edib.
10-cu dəqiqədə hakim Azərbaycan yığmasının qapısına mübahisəli penalti təyin edib.
Arbitr Anton Krivotsyukun əllə oynadığını göstərib. Lakin təkrar kadrlarda topun müdafiəçinin çiyninə, yoxsa əlinin yuxarı hissəsinə dəydiyi tam aydın olmur.
11 metrlik cərimə zərbəsi o qədər şübhəli olub ki, xorvatiyalıların özləri də bunu tələb etməyiblər.
Bununla belə, penalti təyin edilib və xorvatiyalıların lideri Luka Modriç onu səhvsiz icra edib.
Ancaq meydan sahibləri ruhdan düşməyiblər və mübarizəni davam etdiriblər.
Birinci taymın ortalarında oyun şəraiti bir qədər bərabərləşsə də temp enib.
Oyunun ikinci hissəsində Azərbaycan yığması daha cəsarətli hücumlar edib.
72-ci dəqiqədə meydana çıxan Təmkin Xəlilzadə Xorvatiya yığmasının üç oyunçusunu keçərək topu qonaqların qapısına vurub.
Belə dönüşdən çaşan qonaqlar qələbə qazanmaq üçün hücuma keçiblər. Lakin kütləvi real qol məqamlarına baxmayaraq, buna nail ola bilməyiblər.
Azərbaycan yığması minimum iki dəfə hesabı artırmağa yaxın olub.
Birinci dəfə Dmitri Nazarovun küncdən zərbəsinin qarşısını qolkiper alıb.
İkinci dəfə isə Təmkin Xəlilzadə topu qapının üzərindən vurub.
Oyun 1:1 hesabı ilə başa çatıb.
Beləliklə, Azərbaycan yığması indiki seçmə mərhələsində ilk xalını qazansa da qrupda sonuncu beşinci yerdən gedə bilməyib.
Qeyd edək ki, yığmanın oyunçuları çox səylə oynayıblar və demək olar ki, meydanın hər küncündə top uğrunda mübarizə aparıblar.
Qrupda xorvatiyalılar liderlik edir. Sonra Macarıstan, Uels və Slovakiya yığmaları gəlir. 06D-
-
- Cəmiyyət
- 10 Sentyabr 2019 12:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz