Açiq mənbələrdən foto.
Bakı/22.01.21/Turan: Bu günə qədər Azərbaycanda 14758 məktəbli və 7090 müəllim COVİD-19-a yoluxub. Bu barədə təhsil nazirinin müşaviri Rüstəm Ağayev karantin dövründə təhsil müəssisələrinin fəaliyyətinə həsr olunmuş brifinqdə bildirib.
Onun sözlərinə görə, 2020-ci ilin sentyabrından etibarən 2246 ibtidai sinif şagirdi koronavirusa yoluxub. Xəstəliyə yoluxanların 4411-i 5-9-cu sinif şagirdləri, 7525 nəfəri isə 10-11-ci sinif şagirdləridir.
Azərbaycanda koronavirus infeksiyası ilk dəfə 2020-ci il fevralın 28-də aşkar edilib. Həmin vaxtdan etibarən ölkədə tətbiq edilən xüsusi karantin rejimi bu il aprelin 1-nə qədər uzadılıb.
Xüsusi karantin rejimi dövründə Azərbaycanda fəaliyyət göstərən bütün təhsil müəssisələri ötən il noyabrın 2-dən təlim-tərbiyə prosesinin distant formada təşkili ilə təmin edilib.
Bu tədris ilinin başlanğıcında (ötən il sentyabrın 15-də) ibtidai sinif şagirdləri həftədə bir neçə gün məktəbə gedirdilər.
Oktyabrın 1-dən IV-IX siniflər, oktyabrın 15-dən isə X-XI siniflər məktəbə gediblər. Sonradan koronavirusa yoluxma halları artdıqda bütün təhsil müəssisələri distant təhsilə keçib. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz