Bakı/09.07.21/Turan: Azərbaycanda son sutka ərzində koronavirus infeksiyasına 174 yeni yoluxma hadisəsi qeydə alınıb, 62 nəfər sağalıb, iki nəfər isə vəfat edib, bu barədə Nazirlər Kabineti yanında Operativ Qərargah məlumat yayıb.
Virusa yoluxanların ümumi sayı 336 962 nəfərə çatıb, onlardan 330 668 nəfər sağalıb, 4982 nəfər vəfat edib, 1312 aktiv xəstənin müalicəsi davam etdirilir.
Son sutka ərzində 9 947 test aparılıb.
Qeyd edək ki, iyulun 8-də gündəlik artım 104 yoluxma hadisəsi təşkil edib.
Son sutka ərzində 50 mindən çox insana COVİD-19 peyvəndi vurulub, onların 20 756 nəfəri birinci, 30 754 nəfəri isə ikinci doza peyvənd vurdurub.
Azərbaycanda vurulan ümumi vaksin sayı 4 milyonu keçib.
Ümumilikdə 2 437 929 nəfər birinci, 1 577 683 nəfər ikinci doza peyvənd vurdurub. -16D06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz