Açiq mənbələrdən foto.
Bakı/29.06.20/Turan: Azərbaycanda COVİD-19-a yoluxanların yarıdan çoxu Bakının payına düşür. Koronovirusinfo.az rəsmi İnternet saytında dərc olunan son statistik məlumatlar bunu göstərir.
Əsasən ölkə üzrə yoluxmuş şəxslər arasında paytaxtın xüsusi çəkisi 53,4% təşkil edir.
Regionlar üzrə statistika aşağıdakı kimidir: Abşeron 15,8%, Gəncə-Qazax 9,4%, Mərkəzi Aran bölgəsi 7,8%, Lənkəran 6,1%, Quba-Xaçmaz 1,7%, Şəki-Zaqatala 1,4%, Yuxarı Qarabağ-1,2%, Dağlıq Şirvan-1,4%, Naxçıvan Muxtar Respublikası 0,03%.
Yoluxanlar arasında xaricdən gələnlərin sayı 1,6% təşkil edib.
Bakı rayonlarına gəlincə, Binəqədi (12,9%) və Yasamal rayonları (12,6%) liderlik edirlər. Xətai (11,9%) və Sabunçu ( 11,8%) rayonları onlardan bir qədər geri qalır.
Səbayel (4,5%), Xəzər (4,1%) və Pirallahı (0,3%) rayonlarında yoluxanlar beş faizdən azdır.
Ümumilikdə, Azərbaycanda koronavirusa 16 424 nəfər yoluxub, onlardan 9026 nəfəri müalicə olunub, 198 nəfəri vəfat edib. Aktiv koronavirus xəstələri 7 200 nəfərdir. 468 967 test keçirilib.----06D--
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz