Açiq mənbələrdən foto.
Bakı/18.09.23/Turan: Azərbaycan ərazisində yağan güclü leysan yağışları bəzi regionlarda sel və daşqınlara səbəb olub. Bəzi yerlərdə əhalini evakuasiya etmək lazım gəlib.
Astara Rayon İcra Hakimiyyətinin məlumatına görə, Astaraçay çayının daşması nəticəsində 200-ə yaxın fərdi ev su altında qalıb.
Vaqo kəndində 25 metr uzunluğunda, 10 metr enində dəmir-beton körpünü sel yuyub aparıb, Azərbaycan Fövqəladə Hallar Nazirliyi bildirib.
Həmçinin Siyakeş kəndində Pensərçay üzərindəki uzunluğu 10, eni 4 metr olan dəmir köprü dağılıb. 40-a yaxın ailə təhlükəsiz yerlərə evakuasiya edilib. Bölgədə yağış davam edir.
Lənkəran rayonunun bəzi kəndlərində də evlər və həyətyanı sahələri su basıb.
Fövqəladə Hallar Nazirliyinin qüvvələri Astara və Lənkəran rayonlarında su basmış həyətlərdən su çəkmək üçün tədbirlər görürlər.
Zaqatala rayonunda Qazangül qəsəbəsindəki körpüdə nəqliyyatın hərəkəti bərpa olunub, Azərbaycan Avtomobil Yolları Dövlət Agentliyi bildirib.
Avtomobil yollarında sel axınlarının nəticələrinin aradan qaldırılması üzrə işlər davam edir. 16B06
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz