Bakı/04.12.21/Turan: Azərbaycanda son sutka ərzində 1406 yeni koronavirus infeksiyasına yoluxma faktı qeydə alınıb, 1787 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, koronavirusdan 18 nəfər ölüb.
Bu günə kimi ölkədə 594 994 nəfərdə COVID-19-a yoluxma faktı müəyyən edilib, onlardan 562 786 nəfər müalicə olunaraq sağalıb, 7 947 nəfər vəfat edib, 24 261 nəfər aktiv xəstədir.
Ötən gün ərzində yeni yoluxma hallarının müəyyən edilməsi ilə əlaqədar 12 869 test aparılıb.
Həmçinin, son sutka ərzində 35 832 nəfər COVID-19-a qarşı peyvənd olunub.
Gün ərzində birinci doza ilə peyvənd olunanların sayı 3 889 nəfər, ikinci vaksinlə 5 346 nəfər, gücləndirici doza ilə 26 597 nəfər peyvənd olunub.
Azərbaycanda bu gün peyvəndlərin ümumi sayı 10 675 649 nəfərdir ki, onlardan 5 095 524 peyvəndin birinci dozası, 4 588 915 nəfəri iki doza, 991 210 nəfəri gücləndirici doza alıb.-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz