Bakı/04.12.21/Turan: Azərbaycan dekabrın 4-də 10 erməni hərbçisini Ermənistan tərəfinə təhvil verib. Bu barədə şənbə günü Azərbaycanıт Əsirlərlə İş üzrə Dövlət Komissiyası məlumat yayıb.
Həmin mənbənin məlumatına görə, bu şəxslər 2021-ci il noyabrın 16-da Ermənistan Silahlı Qüvvələrinin dövlət sərhədinin Kəlbəcər istiqamətində həyata keçirdiyi “təxribat” zamanı saxlanılıblar.
Danışıqlar nəticəsində Ermənistan tərəfi Azərbaycanın işğaldan azad edilmiş digər ərazilərinin mina xəritələrini Azərbaycan tərəfinə təqdim edib.
Dövlət Komissiyası minalanmış ərazilərin xəritələrinin alınmasında vasitəçilik missiyasına görə Rusiya Federasiyasının Müdafiə Nazirliyinə minnətdarlığını bildirir.
Xatırladaq ki, bundan əvvəl Ermənistan tərəfi saxlanılan hərbçilərin müqabilində Füzuli, Ağdam və Cəbrayıl rayonlarının mina xəritələrini təqdim etmişdi.
Ermənilər tərəfindən bu dəfə hansı rayonların xəritələri verildiyi barədə məlumat verilmir. -02D-
Siyasət
-
Yanvarın 7-də Bakı Ağır Cinayətlər Məhkəmıəsində hakim Səbuhi Hüseynovun sədrliyi ilə Azərbaycan Xalq Cəbhəsi Partiyasının (AXCP) fəalı Mehman Əliyevin cinayət işi üzrə məhkəmə istintaqı başlayıb.
-
Yanvarın 7-də dövlət başçısı İlham Əliyev yerli telekanallara müsahibə verib. Saat 18:00-a qədər müsahibənin məzmzunu açıqlanmayıb.
-
Dekabrın sonlarında Naxçıvan Ağır Cinayətlər Məhkəməsində Naxçıvan Muxtar Respublikasının (NMR) keçmiş maliyyə naziri Rafael Əliyevə və Naxçıvan Gömrük Komitəsinin keçmiş şöbə rəisi Mənsur Əsgərova qarşı cinayət işi üzrə proses başa çatıb. Hər iki şəxs başqa şəxslərlə əlbir olaraq dövlət büdcəsinin vəsaitlərini mənimsəməkdə ittiham olunurdular.
-
"Respublikaçı Alternativ" Partiyası (REAL) 29 yanvar bələdiyyə seçkiləri ərəfəsində iqtisadi fəaliyyət imkanlarını genişləndirmək məqsədilə yerli hakimiyyət orqanlarında islahatlar proqramı təklif edib.
Rəy yaz