Açiq mənbələrdən foto.
Azərbaycanda nəzərdə tutulmayan yerlərə siqaret kötüklərini atan 10 mindən çox adam cərimələnib
Bakı/22.11.22/Turan: Bu ilin əvvəlindən Azərbaycanda nəzərdə tutulmayan yerlərə siqaret kötüklərini atdığına görə 10 mindən çox adam cərimələnib. Bu barədə Daxili İşlər Nazirliyinin mətbuat xidməti bildirib.
Cərimələr Azərbaycanın şəhər, rayon polis orqanları tərəfindən İnzibati Xətalar Məcəlləsinin normalarına uyğun olaraq keçirilən tədbirlər çərçivəsində tətbiq edilib. Həmin normalara əsasən “Tütün məmulatlarının istifadəsinin məhdudlaşdırılması haqqında” qanunla qadağan olunmuş yerlərdə tütün çəkməyə görə məsuliyyət nəzərdə tutulur.
Belə ki, tütün məmulatı tullantılarının ətraf mühitə atılmasına görə 10 835 nəfərin barəsində inzibati tənbeh tətbiq edilib.
Daha 501 nəfər yetkinlik yaşına çatmayanlara tütün məmulatları satdığına görə cərimələnib.
Sözügedən tədbirlər çərçivəsində tətbiq edilən cərimələrin ümumi məbləği 383,3 min manat olub, Daxili İşlər Nazirliyindən bildirilib. 06B
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Rəy yaz