Açiq mənbələrdən foto.
Bakı/01.02.22/Turan: Azərbaycanda duracaqların, dayanacaqların, o cümlədən pullu dayanacaqların tənzimlənməsi təkmilləşdirilir və bu sahədə cərimələr sərtləşdirilir.
Bu gün Milli Məclis İnzibati Xətalar Məcəlləsinə düzəlişlər edib ki, bunlar qaydaların pozulmasına görə tədbirləri sərtləşdirir.
Yeniliyə əsasən, maşını dayanacaq yerində ödənişsiz saxlamaya və ya ödənilmiş müddətdən artıq dayanma üçün əlavə ödənişin edilməməsinə görə sürücü 10 manat məbləğində cərimə olunacaq.
Hazırda bu cür cərimə yalnız parklanma qaydalarının pozulmasına görə tətbiq edilir.
Həmçinin sürücü tərəfindən yol nişanlarının və nişanlama xətlərinin pozulması halları baş verdikdə, digər nəqliyyat vasitələrinin hərəkətinə maneələr törədildikdə 10 manat məbləğində cərimə olunacaq.
Bundan əlavə, əlillərin maşınları üçün nəzərdə tutulmuş dayanacaqlarda digər nəqliyyat vasitələrinin parklanmasına görə cərimə 10 manatdan 20 manata qədər artırılıb. – 06B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz