"Azərbaycanın siyasi məhbuslarına azadlıq" uğrunda ittifaq bütün siyasi məhbusların azad etməyə çağırıb
Bakı/19.01.19/Turan: "Azərbaycanda siyasi məhbuslara azadlıq" uğrunda ittifaq ölkə hakimiyyətini bütün siyasi məhbusları azad etməyə çağırıb. Bu barədə İttifaqın bəyanatında deyilir.
"2016-cı ilin yazında bir sıra hüquq müdafiəçisi və jurnalistin azad edilməsindən sonra siyasi repressiyaların yatışması ümidi doğrulmadı. Rejimin repressiyaları nəinki azalmır, getdikcə daha amansızlaşır və dərinləşir. Saxlandıqdan sonra istintaq dövründə işgəncələrə hökm çıxarıldıqdan sonra da işgəncələr əlavə edilib. Azərbaycanda işgəncədən ölüm ən adi haldır. Və Tərtər rayonunda ölüncəyə qədər işgəncə verilən hərbi qulluqçular bunun açıq təsdiqidir", deyə bəyanatda bildirilir.
2016-cı ildən hakimiyyət siyasi məhbusların, demək olar ki, məhv edilməsinin yeni formasını tətbiq etməyə başlayıb: birinci saxta ittihamla həbs müddəti başa çatdıqdan sonra onlara qarşı törətmədikləri cinayətlər haqqında yeni ittihamlar irəli sürməyə başlayıblar. Amma Mehman Hüseynovun yeni saxta ittihama cavab olaraq 2018-ci il dekabrın 26-da elan etdiyi aclıq cəmiyyətin illərlə davam edən səbrini daşırdı. Azərbaycanın həm həbsxanalarda, həm də azadlıqda olan azadlıq və müstəqillik uğrunda mübarizləri vətəndaşların hüquq və azadlıqlarının pozulmasına etiraz etdilər.
Bu səslər ölkənin hüdudlarından kənarda da eşidilib. "2019-cu il yanvarın 17-də Avropa Parlamentinin qəbul etdiyi "Azərbaycanda Mehman Hüseynovun işi" qətnaməsi Avropanın demokratik ictimaiyyətinin Azərbaycanda kök salmış diktaturaya artan etirazının parlaq dəlilidir", deyə bəyanatda bildirilir.
Aİ və Azərbaycan arasında Hərtərəfli Sazişin imzalanması sual altındadır, deyə bəyanatda bildirilir.
Azərbaycanın vətəndaş cəmiyyəti fəalları, öıkə daxilind və onun hüdudlarından kənarda bütün demokratiya uğrunda mübarizlər güclərini səfərbər etməli və dəqiq şərt qoymalıdırlar: uzunmüddətli həbsə məhkum edilmiş "Müsəlman Birliyi"nin üzvləri və 25 ilə yaxın həbs cəzası çəkmiş Qarabağ müharibəsi veteranları da daxil olmaqla, 150 məhbusun hamısına azadlıq.
"Azərbaycanın bu amansız sınaqlardan keçmiş vətəndaşları Novruz Bayramına qədər azadlıq əldə etməsə, rejimə qarşı müqavimət artırılmalıdır. Və bütün beynəlxalq təşkilatları, o cümlədən ATƏT, AŞ, Aİ və BMT bu şərti bilməli və dəstəkləməlidir", deyə bəyanatın sonunda qeyd edilir.
Sənədi Sülh və Demokratiya İnstitutunun direktoru Leyla Yunus, Siyasi Məhbusların Monitorinqi Mərkəzinin rəhbəri Elşən Həsənov, Azərbaycan Ziyalılar Hərəkatının rəhbəri Eldəniz Quliyev, "Tolışi sədo" qəzetinin baş redaktoru Hilal Məmmədov imzalayıb. -06D-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz