Açiq mənbələrdən foto.
Azərbaycanın Vaşinqtondakı səfirliyinin binası qarşısında Tofiq Yaqubluya azaldıq tələbi ilə aksiya keçirilib
Bakı/12.01.23/Turan: Yanvarın 11-də hazırda həbsdə aclıq keçirən Tofiq Yaqublunun oğlu Rəhim Yaqublu və ictimai fəal Murad Quliyev Azərbaycanın Vaşinqtondakı səfirliyinin binası qarşısında "Siyasi məhbuslara azadlıq!", "Tofiq Yaqubluya azadlıq!" şüarları ilə etiraz aksiyası keçirib. Onlar həmçinin uca səslə "Siyasi məhbuslara və Tofiq Yaqubluya azadlıq!" şüarları səsləndirib, səfirliyin binasının qarşısındakı dirəklərə şüarlar yapışdırıb.
Murad Quliyev aksiyanı Facebook səhifəsində canlı yayımlayıb.
Azərbaycanın ABŞ-dakı səfirliyinin birinci katibi onların qarşısına çıxıb.
"Tofiq Yaqublu 7 gündür aclıq edir, vəziyyəti ağırdır. Azərbaycan səfirliyindən istəyimiz odur ki, buna diqqət yetirəsiniz. Siz burada hər hansı ailəni, şəxsi maraqları deyil, Azərbaycan dövlətini təmsil edirsiniz. Bu düzdürmü? Biz demokratiyanın beşiyi olan Vaşinqton şəhərindəyik. Düşüncəmlə, Siz Azərbaycan vətəndaşı olaraq haqsızlığa görə müxtəlif qurumlara mütraciət etməlisiniz. Əgər qorxursunuzsa, deyin, biz də bilək ki, Siz burada şəxsi maraqları təmsil edirisiniz. Bununla məsələ bağlansın, biz də buraya gəlməyək. Əgər dövləti təmsil edisinizsə, bizə dəsətk olun. İnsan ölüm vəziyyətindədir", deyə Murad Quliyev birinci katiblə dialoqunda deyib.
Birinci katib bununla bağlı Azərbaycanda müvafiq qurumlara müraciət etməyi tövsiyə edib.
"Səfirliyin fəaliyyəti ikitərəfli əlaqələrin təşviqi və ABŞ-da olan Azərbaycan vətəndaşlarının hüquqlarının müdafiəsindən ibarətdir", deyə o qeyd edib.
Bu zaman Quliyev deyib ki, Azərbaycanda bütün müvafiq qurumlara müraciət olunub.
Səfirliyin nümayəndəsi məsləhət bilib ki, rəsmi qaydada səfirliyə müraciət etsinlər və ərazini tərk etsinlər.
Yaqublunun oğlu səsgücləndirici vasitəsiilə səfirliyə müraciət edərək deyib ki, atasının vəziyyəti kritikdir.
"Hazırda atam Bakıda 6 saylı xəstəxanaya yerləşdirilirb. Hələ də aclığı davam etdirir. Atam tələbləri yerinə yetirilənədək aclığı davam etdirəcəyini bildirib. Anam da aclıq edir. Sonda biz qalib olacağıq. Tofiq Yaqublunun timsalında bütün siyasi məhbuslara azadlıq tələb edirik", deyə o qeyd edib.
Rəhim Yaqublu yanvarın 12-də Vaşinqtonda Ağ Evin binası qarşısında "Tofiq Yaqubluya və bütün siyasi məhbuslara azadlıq!" tələbi ilə aksiya keçiriləcəyini bildirib. 03
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz