Bakı/02.03.22/Turan: "Azərbaycan xalqına minnətdarıq. Rusiyanın Ukraynaya qarşı müharibəsinin başlanğıcından etibarən azərbaycanlılardan bizə gündən-günə kömək gəlir. Hər gün Ukraynaya 2-3 yük maşını göndəririk. Bakıdan humanitar yardım daşıyan yük təyyarəsi göndəriblər. Bizə hər şey - dərman, su, ərzaq, geyim gətirirlər, səfirliyin saytında göstərilən bank hesabına pul köçürürlər", deyə Ukraynanın Azərbaycandakı diplomatik missiyasının əməkdaşı Turan-a bildirib. O, müharibəni və düşmən dövlətin səfirliyin fəaliyyətinə olan diqqətini nəzərə alaraq, adının açıqlanmamasını istəyib.
Diplomatın sözlərinə görə, Ukraynaya yükü Polşa və Rumıniya üzərindən göndərmək mümkün olur. "Logistika çox çətindir, indi hər şeyi deyə bilmirəm, bizi düz başa düşün", deyə o, səfirliyin Azərbaycan xalqına böyük minnətdarlığını bildirib.
Bakıda bir neçə ictimai təşkilatda və ticari firmada Azərbaycan vətəndaşlarından yardım toplanır. Onlardan biri Qırmızı Ürəklər Kapital Bank qrupudur. Sevda Haqverdiyeva Kapital Bankın Azərbaycandakı bütün ofislərinin 400-dən çox işçisini birləşdirən bu qrupun rəhbəridir. İlk dəfə 2020-ci ilin payızında Azərbaycanın Vətən Müharibəsində zərər çəkənlərə kömək etməyə başlayıblar. S.Haqverdiyevanın sözlərinə görə, həmin vaxt onlar bənzər təşkilatlar arasında rekord yardım məbləği - bir milyon yarım manat yığmışdılar.
"Ukrayna hadisələri başladıqda biz ukraynalılar üçün ianə yığmağa başladıq. Bu ölkənin səfirliyi pul yardımı qəbul etməkdən imtina etdiyinə görə qrup yığılan ilk məbləği - 1800 manatı dərman alınmasına xərcləyib. Ukrayna səfirliyi belə yardıma ehtiyac olduğunu bildirib, amma dərmanların Rusiya və Belarus istehsalı olmaması şərti qoşub. Hazırda ikinci məbləğ yığılır, biz bu məbləğə də dərman alıb Ukrayna səfirliyinə təhvil verəcəyik", deyə Haqverdiyeva bildirib.
Ukraynanın humanitar yardımla yanaşı, bu ölkənin vəziyyətlə əlaqədar Azərbaycanda qalan turistlərinə köməyə də ehtiyacı var. Səfirlik əməkdaşının sözlərinə görə, bu Ukrayna vətəndaşlarının problemləri həll edilir, bunda da azərbaycanlılar fəal şəkildə iştirak edirlər.
Sosial şəbəkədə Ukraynalı jurnalist Yuliya Nesteryakın mesajı var, o, ukraynalılardan yerdə yatdıqları üçün xəstələnən hərbiçilərə dərman göndərməyi xahiş edir.
Azərbaycanın Dövlət İcbari Sığorta Agentliyi və Tibbi Ərazi Bölmələrini İdarəetmə Birliyi Ukraynaya dərman və tibbi avadanlıq göndərib. Tibbi vəsaitlər daşıyan təyyarə fevralın 27-də Bakıdan yola düşüb. -0-
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz