"Azərişığ"ın əməkdaşları güllələnib
Bakı/26.05.20/Turan: Masallı rayonunun Yeddioymaq kəndində “Azərişıq” ASC-nin əməkdaşları güllələnib.
Bu barədə AzadlıqRadiosuna yerli sakinlər məlumat veriblər.
Məlumata görə, Yeddioymaq kəndin sakini Mansur Şahmuradov onun həyətinə gələn "Azərişığ"ın işçiləri ilə mübahisə edib.
Qurumun əməkdaşları Şahmuradovdan elektrik enerjisinə görə yaranmış borcunun ödənməsini istəyiblər. Borcunu ödəməyə razılaşan Şahmuradov evə gedib sonra isə evdən çıxaraq ov silahı ilə "Azərişığ"ın əməkdaşlarına atəş açıb.
Bunun nəticəsində "Azərişığ"ın əməkdaşları xəsarətlər alıblar və Masallı Rayon Mərkəzi Xəstəxanasına çatdırılıblar.
Lənkəran Rayon Mərkəzi Xəstəxanasından üç nəfərin xəstəxanaya daxil olmasını Turana təsdiqləyiblər. Xəstəxanadan bildirilib ki, iki nəfərin xəsarətləri yüngül olduğundan onlara yardım edildikdən sonra onlar evə buraxılıb. "Üçüncü şəxsə isə sol körpücük nahiyəni dəlib-keçən güllə yarası diaqnozu qoyulub. Hazırda yaralı əməliyyatdadır".
Faktla bağlı Masallı Rayon Prokurorluğunda araşdırma aparılır. Mansur Şahmuradov şübhəli şəxs qismində saxlanılıb.-0-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 195
Rəy yaz