Bakı/26.11.18/Turan: "Respublikaçı Alternativ" (REAL) Partiyasının rəhbərlərindən Azər Qasımlının bu ilin mayında inzibati qaydada həbs olunmasından Avropa İnsan Haqları Məhkəməsinə (AİHM) göndərilmiş şikayət ərizəsi ünvan sahibinə çatmayıb.
Xatırladaq ki, Qasımlı polisə tabe olmama ittihamı ilə 30 gün müddətinə həbs edilib. Bu, REAL-ın mayın 28-də Azərbaycan Xalq Cümhuriyyətinin 100 illiyi ilə əlaqədar təşkil etdiyi bayram yürüşünün ertəsi günü baş verib.
Qasımlının verdiyi məlumata görə, iyulda vəkili "Azərpoçt" vasitəsilə (dövlət poçt müəssisəsi) AİHM-ə ərizə göndərib.
"Amma vəkilimin bildirdiyinə görə, şikayətimiz poçtdan yox olub", deyə Qasımlı Turan-a bildirib.
Onun sözlərinə görə, Avropa Məhkəməsinə yerli məhkəmələrin sonuncu qərarından sonrakı 6 ay ərzində şikayət etmək lazımdır. "Həmin müddət, hələlik, başa çatmayıb. Tezliklə şikayəti yenidən göndərəcəyik. Hər bir halda bu şikayət alternativ yolla ünvanına çatacaq".
"Azərpoçt" MMC-dən şərh almaq mümkün olmayıb.
Bundan əvvəl vəkillər Nemət Kərimli, Əsabəli Mustafayev, Elçin Sadıqov da gənc fəal Bayram Məmmədov, AXCP sədr müavini Fuad Qəhrəmanlı, "Azadlıq" qəzetinin əməkdaşı Seymur Həzi və başqa məhbusların işi üzrə AİHM-ə göndərilən şikayət ərizələrinin "itdiyini" bildiriblər. Sonradan onlarla bağlı şikayətlər yenidən göndərilib.
Bir müddət əvvəl "Azərpoçt" məktubların itdiyini etiraf edərək, bunu sensasiyaya çevirməməyə çağırmışdı. Amma bir sıra hüquqşünaslar hesab edirlər ki, məktublar texniki səbəblərdən itmir, bu, hakimiyyətin şikayətlərin AİHM-ə çatmasını istəməməsinin nəticəsidir.
Bu arada, Qasımlının sözlərinə görə, dekabrın 13-də AİHM onun avqustun 16-dan etibarən ölkədən çıxışına tətbiq edilmiş qadağadan verdiyi şikayəti ilə bağlı qərarını elan edəcək. -06D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz