Bakı/08.02.20/Turan: Paytaxt meriyası paytaxt sakinlərinə və şəhərin qonaqlarına hava şəraitinin kəskin pisləşməsi ilə əlaqədar ehtiyatlı olmaq çağırışı ilə müraciət edib.
Meriyanın müraciətində xatırladılır ki, fevralın 9-na keçən gecə Abşeronda hava şəraitinin kəskin şəkildə pisləşəcəyi - güclü şimal küləyi və intensiv qar yağışı gözlənilir. Havanın temperaturu 18 dərəcə aşağı düşəcək, yolları buz bağlayacaq.
Əhaliyə maşınlarını ağacların altında park etməmək, tikinti aparılan ərazilərdən kənar keçmək, həmçinin digər ehtiyat tədbirlərinə riayət etmək tövsiyə olunub.
Meriya xüsusi texnikanı, qartəmizləmə nəqliyyatını səfərbər edib. Havanın soyuq keçdiyi dövrdə paytaxtın bütün kommunal və texniki xidmətləri gücləndirilmiş rejimdə işləyəcək, deyə məlumatda qeyd edilir. -02D-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz