Photo TURAN.
Bakı/24.10.22/Turan: Bakı Şəhər İcra Hakimiyyətinin binası qarşısında Azərbaycan Xalq Cəbhəsi Partiyası tərəfindən təşkil olunmuş etiraz aksiyası 40 dəqiqədən çox davam edib.
Aksiya saat 16:00-a təyin edilmişdi, amma bir saat əvvəldən polis qüvvələri şəhər administrasiyası ətrafındakı ərazini müşahidə altına götürüb.
Hər iki tərəfdən meriya istiqamətindəki piyada keçidlərinə polis əməkdaşları yerləşdirilib. Metronun "İçəri şəhər" stansiyasının yaxınlığına çox sayda polis maşını və iki xüsusi avtobus gətirilib.
Təxminən saat 15:40-dan etibarən polis metro stansiyası qarşısındakı meydana çıxıb jurnalistlərin qarşısında çıxış edən hər kəsi, o cümlədən qadınları saxlamağa başlayıb.
Aksiya iştirakçıları yeni taktikadan istifadə ediblər: onlar aksiya yerinə bir-bir və ayrı-ayrı vaxtlarda gəliblər. Daha sonra etirazçılar 4-6 və daha çox nəfərlik qruplar şəklində "Azadlıq!", "İstefa!", "Siyasi məhbuslara azadlıq!" şüarları səsləndirə-səsləndirə gəlməyə başlayıblar. Bunun sayəsində aksiyanın müddəti uzanıb və polis hamını birdən saxlaya bilməyib.
Etirazçılar saxlanılaraq polis maşınlarına və xüsusi avtobuslara mindiriliblər, amma polis maşınları çatışmayıb və yeni maşınlar çağırılıb. Ən böyük fəallığı polis avtobusundan hökumət əleyhinə şüarlar səsləndirən qadınlar qrupu göstərib.
Saat 16:20 radələrində aksiya metronun "İçəri şəhər" stansiyasının qarşısında başa çatıb.
Qeyri-rəsmi məlumatlara görə, təxminən 100 nəfər saxlanılıb.
Xatırladaq ki, hakimiyyət müxalifətin sərbəst toplaşmaq azadlığının təmin edilməsini, siyasi məhbusların azad edilməsini, azad seçkilər keçirilməsini, əsaslı islahatlar aparılmasını və quru sərhədlərinin açılmasını tələb etmək niyyətində olduğu aksiyanın keçirilməsinə icazə verməyib. 03D06
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz