Bakı və regionların sakinləri üçün insan hüquqları üzrə treninqlər

Bakı/30.06.22/Turan: "Bakı İnsan Hüquqları Klubu" İctimai Birliyi cəmiyyətin hüquqi düşüncəsinin və hüquq mədəniyyətinin inkişafına töhfə vermək məqsədilə maarifləndirmə treninqləri keçirir.

Qeyd edilən fəaliyyət çərçivəsində Birlik tərəfindən təlimlər seriyasına start verilib. 20-24 iyun 2022-ci il tarixlərində 30 nəfər iştirakçı üçün ilk 10 təlim keçirilib. 21 nəfər ölkənin səkkiz müxtəlif regionundan, 9 nəfər isə Bakı şəhərindən təlimlərə iştirakçı kimi qoşulub, onların 18-i qadın, 12-si kişi idi. 

Təlimlər 10 ekspert tərəfindən aparılıb və insan hüquq və azadlıqlarının anlayışı, hüquq müdafiəə fəaliyyətinin prinsipləri, hüquqların müdafiəsinin yerli və beynəlxalq mexanizmləri, ədalətli mühakimə hüququ, sosial təminat hüququ, məişət zorakılığının qarşısının alınması, mediasiya institutu, informasiya əldə etmək hüququ və elektron xidmətlər kimi mövuları əhatə edib.

Yaxın gələcəkdə yeni treninqlərin keçirilməsi planlaşdırılır, onlar haqqında ictimaiyyətə məlumat veriləcək. 06B