Açiq mənbələrdən foto.
Bakı/11.11.21/Turan: Noyabrın 10-da axşam Bakıda güclü külək nəticəsində ağacların və ya digər əşyaların düşməsi səbəbindən 11 nəfər (5 kişi və 6 qadın) müxtəlif dərəcəli bədən xəsarəti alıb.
Səhiyyə Nazirliyindən verilən məlumata görə, bir zərərçəkənə yerində yardım göstərilib. Bir nəfər yardımdan imtina edib, qalanları xəstəxanaya yerləşdirilib.
Təbii fəlakət vətəndaşlara maddi ziyan da vurub. Bakının Nəsimi rayonunda Hüseynbala Əliyev küçəsində 20 metrlik ağac park edilmiş "Mersedes" avtomobilinin üzərinə düşüb. Ağacın düşməsi nəqliyyatın hərəkətini məhdudlaşdırıb, lakin tez bir zamanda bərpa edilib.
Arabir saniyədə 30 metrdən çox sürətlə əsən külək ölkə parlamentinin binasından metal üzlüyü qoparıb. -05D-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz