Bakı/22.06.18/Turan: Bakıda, 28 May küçəsi, ev 46 ünvanında yaşayan Nailə İbrahimova birotaqlı mənzilinin qəzalı vəziyyət düşdüyünü deyir. Dövlət qurumları isə bu tənha yaşayan xanıma kömək etmirlər.
Bir neçə gün bundan öncə Nailə İbrahimovanın evinin damına qonşuluqdakı yaşayış evinin üst hissəsindəki mişar daşları tökülüb. Nəticədə onun evinin tavanı dağılıb. "Hadisə ilə əlaqədar polisə, Mənzil-istismar sahəsinə və Fövqəladə Hallar Nazirliyinə müraciət etmişəm. Nazirlikdən Faiq adlı bir şəxs gəlib mənzilimə baxıb, burada yaşamağın təhlükəli olduğunu deyib. Hələ ki, mənə bir yardım edən yoxdur", deyə N. İbrahimova Turan İA-ya bildirib.
Turan İA yeganə yaşayış yerində qalmaq imkanından məhrum olan vətəndaşa dövlətin hansı köməyi edəcəyi ilə bağlı FHN nümayəndəsinə telefonla müraciət edib. Özünü təqdim etməkdən imtina edən nazirlik nümayəndəsi bu məsələ ilə bağlı araşdırma aparıldığını təsdiq edib. Lakin o, mətbuata bu haqda heç nə deməyəcəyini bildirib. "Turan informasiya agentliyi gedib öz işi ilə məşğul olsun. Baxış keçiirlib, vətəndaşa lazımi informasiya verilib. Biz tərəfdən nə lazımdır, tədbir görüləcək" - FHN nümayəndəsinin fikirləri burada qırılıb.
Nailə İbrahimova isə bir bir həftəyə yaxındır mənzilinə daxil ola bilmir. Hələlik ona yaxınları hayan dururlar. Dövlətin isə vətəndaşına nə zaman arxa duracağı məlum deyil. 08B--
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz