Bakıda Türkiyə tarixi dərslikləri dərc olunub

Bakı/08.05.23/Turan: Türkiyə Respublikasının 100 illiyi münasibətilə (29 oktyabr 1923) Bakıda iki dərslik: "Dünya siyasətində Türkiyə" və "Türkiyə Respublikasının tarixi" dərs vəsaiti dərc olunub. Kitablar 2020-ci il tarixli Azərbaycan Ali Məktəblərində Tədris Planına əsasən hazırlanıb, plana əsasən, "Tarixin tədrisi və tarixin və coğrafiyanın tədrisi" ixtisası üçün yeni "Osmanlı tarixi" kursu tətbiq edilib.

Müəllif Sevinc Əliyevanın Turan-a verdiyi məlumata görə, türklər bir çox xalqların tarixində taleyüklü rol oynayıb. Türklərin tarixi göstərir ki, onlar unikal çoxəsrlik mədəniyyətə və dünyagörüşünə malik vahid bir bütünü təmsil edirlər. "Dövlət quruluşlarının sərhədlərinin dəyişməsinə baxmayaraq, qədim zamanlardan türk dünyası xalqlarının oxşar mədəni və ideoloji xüsusiyyətləri müşahidə olunur. Türklər qədim zamanlardan özlərini güclü, çoxsaylı və qüdrətli çöl ordusu kimi sübut ediblər. Dünyada ümumilikdə, bəzi məlumatlara görə 180 milyondan çox, digər məlumatlara görə 300 milyon türk var".

Türkiyə Respublikası Atatürkün "Altı oxu" adlandırılan Atatürk siyasətinə və ideologiyasına əsaslanır: 1) inqilabçılıq - qərbləşmə və ənənəvi cəmiyyətin qalıqlarına qarşı mübarizə kursu, tərəqqiyə və maariflənməyə arxalanma (latınca, ümumi seçki hüququ və s.); 2) respublikaçılıq - Osmanlının mütləq monarxiyasına qarşı cümhuriyyət demokratik konstitusiya quruluşunun elan edilməsi. Hakimiyyətin seçilməsi və xalq qarşısında hesabatlılığı prinsipinin elan edilməsi ("Suverenlik qeyd-şərtsiz Türk xalqına məxsusdur" prinsipi); 3) milliyyətçilik - ortaq vətəndaşlıq, ortaq dil, ortaq ərazi, ortaq mənşə, ortaq tarix və mentalitet əsasında bütün ölkə vətəndaşlarının birliyi; 4) xalqçılıq - sinfi bərabərsizliyə və imtiyazlara qarşı mübarizə, türk cəmiyyətinin birliyi və xalqın və onun təmsilçisi kimi TBMM-nin suverenliyi; 5) laiklik - dünyəvilik, dövlətin dünyəvi xarakteri; 6) etatizm - iqtisadiyyatda əsas rolun dövlətə məxsusluğu, deyə tarixçi qeyd edib.  

Türkiyə təşəbbüskar və humanist xarici siyasət yürüdür və milli maraqlarını müdafiə etməyə davam edərək, Yaxın Şərqdə və Cənubi Qafqazda ədalətin və sülhün qorunmasına töhfə verir. Türkiyə və Azərbaycan birgə enerji və nəqliyyat layihələri həyata keçirir. Ankara bütün platformalarda Bakının ədalətli mövqeyini daim dəstəkləyir, Azərbaycan torpaqlarının işğalına son qoymağa çağırır. Türkiyə İkinci Qarabağ müharibəsi zamanı Azərbaycana siyasi və mənəvi dəstək verib, deyə S.Əliyeva əlavə edib.

Dərsliklərin müəllifləri Azərbaycan Dövlət Pedaqoji Universitetinin "Ümumi tarix və tarixin tədrisi" kafedrasının müdiri, tarix elmləri doktoru Sevinc Əliyeva ("Türkiyə Respublikasının tarixi") və kafedranın müəllimi, tarix üzrə fəlsəfə elmləri doktoru Mehman Ağayevlə birlikdə S.Əliyevadır ("Türkiyə Respublikasının tarixi"). 2021-ci ildə onlar "Osmanlı tarixi" dərsliyini dərc ediblər. 0