Bakı/15.11.19/Turan: 1200-ə yaxın Uels azarkeşi bu ölkənin yığması və Azərbaycan milli komandası arasında Avropa-2020 seçim turniri çərçivəsində noyabrın 16-da keçiriləcək futbol maçını izləmək üçün Bakıya gəlir.
Bu barədə bu gün AFFA baş katibi Elxan Məmmədov və Böyük Britaniyanın Azərbaycandakı səfiri Ceyms Şarpın görüşündə bildirilib.
Qeyd edək ki, Avro-2020 final mərhələsinin oyunları həm Azərbaycanda, həm də Birləşmiş Krallıqda keçiriləcək.
Bakı qrup mərhələsinin 3 oyununu və bir dörddə bir final oyununu qəbul edəcək. Londonda qrup mərhələsinin üç oyunu, 1/8 final maçı, habelə yarımfinallar və final keçiriləcək.
Bundan başqa, Qlazqoda qrup mərhələsinin üç görüşü və bir 1/8 final maçı keçiriləcək.
Bununla əlaqədar Məmmədov və Şarp şəhərlərin qarşıda duran tədbirə hazırlanması məsələlərini müzakirə ediblər.
Sabahki oyuna gəlincə, o, Azərbaycan yığması üçün həlledici əhəmiyyət kəsb etmir, belə ki, komandanın aktivində cəmi bir bal var və o, qrupda sonuncu yeri tərk edə bilməyəcək.
Uelslilər isə Avro-2020-yə çıxmaq şansını qoruyub saxlayır və bunun üçün onların qələbəyə ehtiyacı var.
Azərbaycan komandası son oyunu noyabrın 19-da Trnavda Slovakiya yığmasına qarşı oynayacaq. –06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz