Bakıda yağıntının miqdarı aylıq normanın 122%-ni təşkil edib (YENİLƏNİB - VİDEO 2)

Bakı/24.09.18/Turan: Bazar günü Bakıda və ölkənin şimal bölgəsində leysan yağıb, şimşək çaxıb. Ekologiya və Təbii Sərvətlər Nazirliyinin məlumatında deyilir ki, Bakıda yağıntının miqdarı 21 mm. (aylıq normanın 122%-i) təşkil edib.

Öğuzda 31 mm. (aylıq normann 42%-i) Qəbələ - 28 mm. (normanın 36%-i), Şəki - 27 mm. (41%), Mingəçevirdə 15 mm. (normanın 60%-i) olub.

Bazar ertəsi Bakıda və Abşeronda hava buludlu olacaq, bəzi yerlərdə yağış gözlənilir Havanın temperaturu gündüz 23+26 dərəcə olacaq.

Ölkə rayonlarında hazırda leysan, bəzi yerlərdə dolu yağır.-02D-

* * *

2018 Sentyabr 24 (Bazar ertəsi) 10:44:10

Bakının mərkəzini su basıb

Bakı/23.09.18/Turan: Bazar günü yağış yağacağı barədə verilən proqnoz özünü artıqlaması ilə doğruldu. Səhər şəhərin mərkəzinə gedə bilməyən paytaxt sakinləri özləri buna əmin oldular.

Ən acınacaqlı vəziyyət Neftçilər prospekti, Xaqani və Hacıbəyov küçələrində yaranıb. Suyun səviyyəsi bir metrə çatıb, demək olar ki, avtomobillər küçələrdə üzüb.

Leysan nəticəsində zirzəmiləri, tunel və yeraltı keçidləri su basıb. Paytaxt rəhbərliyi ildə bir-iki dəfə paytaxtı iflic halına salan bu problemin həllini tapa bilməyib. -0-