Açiq mənbələrdən foto.
Bakı/02.06.22/Turan: Müsavat Partiyasının Ağsu rayon təşkilatının fəali Zabit Bədəlov iyunun 1-də "məhkəmə qərarını icra etməmə" ittihamı ilə 8 gün müddətinə həbs edilib. Müsavat Partiyasından Turan-a verilən məlumata görə, Bədəlov banka krediti ödəməməkdə ittiham olunub.
O, 2014-cü ildə Müdafiə Nazirliyində işlədiyi dövrdə 3 min manat kredit götürüb. Sonradan iki min manatını ödəyib, qalan məbləği isə işdən çıxarıldığı və gəlir mənbəyi olmadığı üçün ödəyə bilməyib.
2017-ci ildə məhkəmə onun üzərinə borcu ödəmək öhdəliyi qoyub. 2018-ci ildə Bədəlov məhkəmənin Müdafiə Nazirliyinin ona 15 min manat təzminat ödəməsi barədə qərar çıxarmasına nail olub, amma bu qərar icra edilməyib.
Partiyada hesab edirlər ki, bank borcu sadəcə olaraq bəhanədir. Həbsin əsl səbəbi Bədəlovun müxalif siyasi fəaliyyətidir. Bir müddət əvvəl yerli polis ona xəbərdarlıq edib, rayon rəhbərliyinin tənqidinə son qoymağı tələb edib.
Bədəlov Müsavat Partiyasının fəal üzvüdür və 2020-ci ildə parlament deputatlığına namizədliyini irəli sürüb, deyə partiyadan bildiriblər.
Hüquq sahəsində ekspert, vəkil Əkrəm Həsənov qeyd edib ki, İnzibati Xətalar Məcəlləsinin 528.1-ci maddəsinə əsasən, borclu məhkəmə qərarını icra etməməyə görə cərimə oluna və ya 1 ay müddətinə həbs oluna bilər. "Amma maddədə "üzrsüz səbəbdən" qərarın icra edilməməsinə görə cəza verilə biləcəyi qeyd olunur", deyə Həsənov bildirib.
2012-ci ildə Konstitusiya Məhkəməsi borc mübahisələri ilə bağlı inzibati işlərdə və cinayət işlərində məhkəmə qərarının icra olunmaması üçün hansı halların "üzrlü səbəb" hesab oluna biləcəyi ilə bağlı şərh verib. KM-in qərarına əsasən, borclunu cəzadan azad edən "üzrlü səbəb" onun maddi imkanının olmamasıdır, deyə Həsənov qeyd edib.
"Azərbaycanda banka borcu olanların həbs edildiyi hallar tez-tez baş verib. 2016-cı ildə mən üç müştərimin şikayətini AİHM-yə təqdim etmişəm, bu şikayətlər bir icraatda birləşdirilib. 22 iyul 2021-ci il tarixində AİHM hər üç ərizəçinin şikayətini təmin edib və onlara pul təzminatı ödənilməsi haqqında qərar çıxarıb", deyə Həsənov bildirib. Vəkil AİHM-də buna bənzər bir neçə işlə məşğuldur və bu işlər üzrə hökumət artıq ərizəçilərə sülh sazişi və təzminat ödəməyi təklif edib. -06В-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz