Baş prokuror parlamentə E.Səlimovun deputat toxunulmazlığından məhrum edilməsi haqqında təqdimat göndərib /YENİLƏNİB/

Azərbaycanın baş prokuroru Kamran Əliyev Eldəniz Səlimovun cinayət məsuliyyətinə cəlb edilməsi üçün Milli Məclisə onun deputat toxunulmazlığından məhrum edilməsi haqqında təqdimat göndərib.

Baş Prokurorluğun mətbuat xidmətinin dünən verdiyi məlumata görə, iyulun 29-da Xaçmaz şəhərində yerləşən "Starıy dvor" restoranında Səlimov Xaçmaz rayon polis şöbəsinin qeydiyyat və şəxsiyyət vəsiqəsi şöbəsinin əməkdaşı Zaur Mirzəyevi döyüb.

Toplanan materiallar əsasında Azərbaycan Respublikası Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi açılıb. İstintaq Baş Prokurorluğun istintaq idarəsində aparılır. -06D-

*   *   *

2021 İyul 31 (Şəmbə) 13:16:20

Parlamentin növbədənkənar iclası Eldəniz Səlimovun taleyini həll edəcəkmi?

Bakı/31.07.21/Turan: Azərbaycan Milli Məclisinin növbədənkənar sessiyası avqustun 3 -nə təyin edilib. Bu barədə parlamentdəki mənbələrdən Turana bildiriblər.

Görüşün mövzusu bu həftə polisi döyən Xaçmaz millət vəkili Eldəniz Səlimovun davranışıdır.

Qarşıdakı sessiya ilə bağlı hələ rəsmi bir açıqlama yoxdur.

Xatırladaq ki, sərxoş deputat polisi döyüb, səbəb -  deputatin karantin qaydaları  əməl etmə tələbi. -0-