Açiq mənbələrdən foto.
Bakı/05.12.22/Turan: Ukraynada Baxmut şəhəri ətrafında beş nəfərdən ibarət bir azərbaycanlı ailəsinin donaraq öldüyü bildirilir.
Ukrayna Azərbaycanlıları Birləşmiş Diasporunun mətbuat katibi Qabil Osmanlı bildirib ki, hadisə bir neçə gün əvvəl baş verib.
"Mən Baxmutdakı Ukrayna hərbiçiləri ilə əlaqə saxlamışam. Onlar dedi ki, Donetsk vilayətinin Baxmut şəhəri yaxınlığında yaşayan, Ukrayna vətəndaşı olan iş adamı Hafiz Ağayevin evi Rusiyanın raket atəşləri nəticəsində dağılıb. Ağayev həyat yoldaşı Marina Ağayevanı və üç uşağını götürərək ərazidən uzaqlaşmağa çalışıb. Bu zaman Hafiz Ağayev və Marina Ağayeva Rusiya hərbiçilərinin atəşi nəticəsində və ya mina partlayışı nəticəsində ağır yaralanıb və hərəkət edə bilməyib. Beləliklə, köməksiz vəziyyətdə qalan 5 nəfərdən ibarət ailənin bütün üzvləri meşədə donaraq ölüb. Hərbiçilər onların donmuş meyitlərini meşədə tapıb və Baxmut şəhəri yaxınlığında dəfn edib. Hafiz Ağzyev və Marina Ağayeva tapılarkən şxsiyyətlərini müəyyən edən sənədləri üzərlərində olub", deyə Qabil Osmanlı Ukrayna hərbiçilərinə istinadən bildirib.
Ağayevlər ailəsi 30 ilə yaxın Baxmut şəhəri yaxınlığındakı kənddə yaşayıb.
Azərbaycanın Ukraynadakı səfirliyindən bildiriblər ki, onlar məlumatı mətbuatdan oxuyub, lakin hələ təsdiqini tapa bilməyiblər.
"Ukraynada barələrində heç bir konsulluq qeydiyyatı olmayan, uzun illər sənədlərinin etibarlılığı keçmiş, qeyri-qanuni yaşayan çox sayda vətəndaşımız və ondan da çox soydaşlarımız olduğu üçün bir sıra hallarda belə məlumatların dəqiqləşdirilməsi çətinlik törədir", deyə Azərbaycanın Ukraynadakı səfirliyindən bildiriblər. 03
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz