![Açiq mənbələrdən foto.](https://turan.az/resized/media/2021/main/012900028128-750-500-resize.webp)
Açiq mənbələrdən foto.
Bayıl yamacında sürüşmə yenidən aktivləşib
Bakı/29.01.21/Turan: Bayıl yamacında sürüşmə yenidən aktivləşib. Yanvarın 28-də axşam saatlarında Badamdar və "20-ci sahə" qəsəbələri ilə arasında torpaq sürüşməsi nəticəsində bir restoran və iki fərdi evə ziyan dəyib, adamlar evakuasiya olunub, xəsarət alan yoxdur. Bu barədə Bakı Şəhər İcra Hakimiyyətindən bildiriblər.
Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov bildirib ki, sürüşmə zonasının aktivləşməsinin səbəbi uzun illər ərzində xaotik tikintidir. Belə ki, sürüşmənin baş verdiyi ərazinin yuxarı hissəsində artıq 40-50 ildir ki, hər hansı mühəndis hazırlıq işləri və kanalizasiya infrastrukturu olmadan yaşayış evləri və ictimai iaşə obyektləri tikilir.
Kanalizasiya çəkilmədiyindən çirkab suları yerin altına yığılıb. Bir neçə il öncə FHN Yaponiyadan mütəxəssisləri dəvət edib. Onların məsləhəti ilə istinad divarları tikilib. Bu, bir çox evlərin dağılmasının qarşısını almağa imkan verib, E.Əsədov bildirib.
Öz növbəsində Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisi Rafiq Həsənov bu ərazidə süxurların yumşaqlığını, asanlıqla yuyulduğunu qeyd edib. Yamacın və atmosfer yağıntılarının olması mütəmadi olaraq sürüşmənin aktivləşməsinə kömək edir. Son dövrdə bu proses yamacın yuxarı hissəsindəki evlərdən məişət sularının axıdılması ilə aktivləşib, o deyib.
Qeyd edək ki, Bayıl yamacında sürüşmə vaxtaşırı baş verir. 1990-cı illərdən sonra daha da artıb. Belə ki, yerli əhali normativlərə əməl etmədən, yerli, şəhər və mərkəzi icra hakimiyyəti orqanlarının səhlənkarlığı aktiv şəkildə tikinti ilə məşğul olub. -06D-
-
- Cəmiyyət
- 29 Yanvar 2021 12:23
Cəmiyyət
-
Mərkəzi Seçki Komissiyası (MSK) sentyabrın 1-də Milli Məclisə keçirilən növbədənkənar seçkilərlə əlaqədar ilkin nəticələrini açıqlayıb. Açıqlanan ilin nəticəyə görə, deputat mandatının yarıdan çoxunu (68) yenə hakim Yeni Azərbaycan Partiyası (YAP) qazanıb. 13 mandatın isə ümumilikdə 10 partiyaya düşəcəyi gözlənir. Vətəndaş Həmrəyliyi Partiyası üç, Ədalət, Hüquq və Demokratiya Partiyası iki yerlə təmsil ediləcək. Daha səkkiz partiya - Respublikaçı Alternativ Partiyası, Milli İstiqlal Partiyası, Demokratik İslahatlar Partiyası, Ana Vətən Partiyası, Böyük Quruluş Partiyası, Böyük Azərbaycan Partiyası, Milli Cəbhə Partiyası, Azərbaycan Demokratik Maarifçilik Partiyası hərəyə bir deputat mandatına malik olmağa yaxın sayılır.
-
Bakıda və Abşeron yarımadasında havadakı tozun miqdarında artım müşahidə olunur. Milli Hidrometeorologiya Xidmətinin məlumatına görə, tozun miqdarı normadan 2,5-3 dəfə çoxdur.
-
“Bağlantını asanlaşdırır, həyatı daha dolğun edirik” strateji məqsədinə sadiq qalan “Azercell Telekom” MMC bu istiqamətdə daha bir yeniliyə imza atır. 02.09.2024 tarixindən etibarən Azercell ofislərində rəqəmsal şəxsiyyət vəsiqəsini təqdim edən abunəçilər tam xidmət spektrindən yararlana biləcəklər. Layihə İnnovasiya və Rəqəmsal İnkişaf Agentliyi (İRİA) ilə əməkdaşlıq əsasında həyata keçirilir.
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
Rəy yaz