Bazar günü küləkli, yağışlı hava şəraiti gözlənilir

Bakı/15.07.23/Turan: Bazar günü, iyulun 16-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən səhər və axşam bəzi yerlərdə yağış yağacağı gözlənilir. Gecəyə doğru yarımadanın bəzi yerlərində intensiv olacağı, şimşək çaxacağı ehtimalı var. Arabir güclənən şimal-qərb küləyi əsəcək. Havanın temperaturu gecə 20-25 dərəcə, gündüz 26-30 dərəcə isti olacaq, xəbəri Milli Hidrometeorologiya Xidməti yayıb.

Abşeron çimərliklərində arabir güclənən şimal-qərb küləyi əsəcək. Dəniz suyunun temperaturu şimal çimərliklərində - Sumqayıt, Novxanı, Pirşağı, Nardaran, Bilgəh, Zuğulbada 25-26 dərəcə isti, cənub çimərliklərində - Türkan, Hövsan, Sahil, Şıxda 26-28 dərəcə isti olacaq.

Rayonlarda hava şəraitinə gəlincə, Azərbaycanın şimal və qərb rayonlarından başlayaraq bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli, intensiv olacağı, dolu düşəcəyi proqnozlaşdırılır. Gecə və səhər bəzi rayonlarda duman olacaq. Arabir güclənən qərb küləyi əsəcək. Havanın temperaturu gecə 19-23 dərəcə, gündüz 26-31 dərəcə isti, dağlarda gecə 10-15 dərəcə, gündüz 15-20 dərəcə isti olacaq. 06В