Bazar günü paytaxtda hava küləkli olacaq

Bakı/06.02.21/Turan:  Bazar günü Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Bu barədə Təbii Sərvətlər və Ekologiya Nazirliyi Milli Hidrometeoroloji Xidməti məlumat yayıb.Sinoptiklər gecə və səhər bəzi yerlərdə duman olacağını proqnozlaşdırırlar. Cənub-qərb küləyi axşama doğru 15-20 m/s şimal-qərb küləyi ilə əvəzlənəcək, bəzən isə 20-23 m/s-ə çatacaq. Havanın temperaturu gece 4-6, gündüz 12-16 dərəcə isti olacaq.

Fevralın 7-də Azərbaycanın rayonlarında da hava şəraitinin əsasən yağmursuz keçəcəyi, lakin axşam bəzi şərq regionlarında yağış yağacağı gözlənilir. Bəzi yerlərdə güclü qərb küləyi əsəcək. Havanın temperaturu gecə 3-7 dərəcə, gündüz 13-18 dərəcə isti olacaq.

Dağlarda gecə 2 dərəcə şaxtadan 3 dərəcəyədək isti, gündüz 6-11 dərəcə isti olacağı gözlənilir.

Yüksək dağlıq ərazilərdə civə sütunu 6-8 dərəcə şaxtaya enəcək.

Fevralın 7-dən 8-dək regionlarda qərb küləyinin 15-20 m / s-dək, bəzi yerlərdə 23-25 m / s-dək güclənəcəyi gözlənilir.

Küləkli hava bəzi meteohəssas insanlarda narahatlıq yarada bilər.—06D-