Bakı/14.06.20/Turan: Tanınmış aktyor və yazıçı, “Bakılı oğlanlar” Şən və Hazırcavablar Klubunun iştirakçısı, koronavirus xəstələri üçün xəstəxanaya yerləşdirilmiş Bəhram Arif Bağırzadənin vəziyyəti kritikdir. Bu barədə onun dostu bloqer Həmid Həmidov bildirib.
B.Bağırzadənin bədəninin temperaturu yüksəlib, onu təcili olaraq Gömrük Komitəsinin hospitalının reanimasiya şöbəsinə yerləşdiriblər. Həkimlər ağciyərlərin zədələnməsi diaqnozunu qoyublar.
Dünəndən B.Bağırzadə süni koma vəziyyətinə salınıb. Öncə qanın oksigenlə doyması çox aşağı olub -40 faiz, buna görə xəstəni əvvəlcə süni ağciyər ventilyasiya aparatına, sonra isə oksigeni birbaşa ağciyərlərə ötürən aparata qoşublar.
B.Bağırzadənin vəziyyəti sabitləşməyib. Aktyorun durumu ilə bağlı onun müalicəsini şəxsi nəzarətlərinə götürmüş Azərbaycan prezidenti və birinci vitse-prezidentə məlumat verilib.
Bəhram Arif oğlu Bağırzadə Azərbaycanın komediya aktyoru, rejissor, aparıcı, “Bakılı oğlanlar” Şən və Hazırcavablar Klubu komandasının iştirakçısıdır. Azərbaycan Kinematoqrafçılar İttifaqının, həmçinin Azərbaycan Karikaturaçılar Birliyinin üzvüdür. Azərbaycanın əməkdar artistidir. 4 sentyabr 1972-ci ildə anadan olub.-0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz