Bakı/08.07.21/Turan: İctimai fəal, Astara rayonun Hamoşam kənd bələdiyyəsinin üzvü Rüfət Əliyev Facebook sosial şəbəkəsində yazdığı statusa görə Astara Rayon Polis Şöbəsinə aparıldığı deyilir.
Bu barədə R.Əliyev özü yazıb.
Fəalın sözlərinə görə, onu "toylara polisin müdaxilə etməməsi üçün 300-500 və ya hər iştirakçı üçün 5 manat istənilməsi haqqında söz-söhbət var" sözlərinə görə evdən polis şöbəsinə aparıblar. O, əlavə edib ki, ondan statusun silinməsi tələb olunur.
Daxili İşlər Nazirliyinin Mətbuat xidmətinin rəisi Ehsan Zahidov Turana Rüfət Əliyevin Astara rayon Polis Şöbəsinə aparılıb-aparılmaması ilə bağlı məlumatı olmadığını bildirib.
Eyni zamanda qurumun rəsmisi qeyd edib ki, R.Əliyevin statusunda yazılmış iddialar həqiqətə uyğun deyil. "Bu mümkün deyil. Heç bir konkret fakt göstərmədən həmin status yazılıb. Əgər onu şöbəyə dəvət ediblərsə, o məqsədlə dəvət ediblər ki, görək kimlərdir toy sahiblərindən pul alan. Onda hər hansı konkret fakt varsa, buyurun bildirsin. Belə bir fakt yoxdursa, yalan danışdığına görə o, məsuliyyət daşıyır".
Zahidov qeyd edib ki, "Azərbaycan polisi Azərbaycan xalqının mənafeyini qoruyur".
İki saat sonra Əliyev sərbəst buraxılıb. “Mən statusu silməkdən imtina etdım. Buna görə də mənə xəbərdarlıq edib, sərbəst buraxdılar”, - deyə o bildirib.—21B-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz