Photo TURAN.
Fevralın 1-də Ombudsman Səbinə Əliyeva Bəxtiyar Hacıyevə baş çəkib. Bu barədə TURANa Ombudsman Aparatından məlumat verilib.
* * *
2023 Fevral 01 (Çərşənbə) 14:52:18
Bəxtiyar Hacıyevin anası ombudsmana müraciət edib
Bakı/01.02.23/Turan: İctimai fəal Bəxtiyar Hacıyevin anası Solida Mövlayeva 24 gündür 1 saylı Bakı İstintaq Təcridxanasında aclıq edən oğlunun vəziyyətinə diqqət çəkmək üçün bu gün Ombudsman Aparatında olub.
"Məni ümumi şöbədən İbrahim Abdullayev qəbul edib", deyə Mövlayeva Turan-ın müxbirinə bildirib.
"Mən Bəxtiyarın vəziyyəti haqqında danışdım və təqsirsiz olduğunu bildirdim. Onun səhhəti gündən-günə pisləşir və onun həyatına görə çox narahatam", deyə qadın bildirib.
O, ombudsmanı Bəxtiyarın vəziyyəti ilə ciddi şəkildə maraqlanmağa çağırıb və ombudsmanın şəxsən ona baş çəkməsini istəyib.
"Mənə dedilər ki, bu barədə ombudsmana məlumat verəcəklər və qısa müddətdə mənə cavab verəcəklər", deyə Mövlayeva bildirib.
Ombudsman Aparatından Turan-a bildiriblər ki, bu məsələ ilə bağlı ətraflı məlumat veriləcək.
* Bəxtiyar Hacıyev dekabrın 9-da xuliqanlıq və məhkəməyə qarşı hörmətsizlik ittihamı ilə saxlanılıb. Elə həmin gün Xətai Rayon Məhkəməsi onu 1 ay 20 gün müddətinə həbs edib. Dekabrın 15-də Hacıyev azad edilməsi tələbi ilə aclıq elan edib. İctimaiyyət nümayəndələrinin və ailə üzvlərinin israrlı çağırışlarından sonra o, dekabrın 28-də aclığı dayandırıb. Amma yanvarın 9-da Apellyasiya Məhkəməsi onu azad etməkdən imtina etdikdən sonra aclığı bərpa edib və bu günə qədər davam etdirir.
Yanvarın 21-də məhkəmə Hacıyevin həbs müddətini 1 ay uzadıb. 21B06
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz