Rail Abbasov
Bakı/20.09.23/Turan: Sentyabrın 20-də Nəsimi Rayon Məhkəməsi ictimai fəal Rail Abbasovu 4 ay müddətinə həbs edib, hüquq müdafiəçisi Rüfət Səfərov bildirib.
Fəala qarşı Cinayət Məcəlləsinin 178.3.2-ci maddəsilə (külli miqdarda ziyan vurmaqla törədilmiş dələduzluq) ittiham irəli sürülüb. Lakin Abbasov özünü təqsirli bilməyib. Müdafiə tərəfi apellyasiya şikayəti verəcək.
Hüquq müdafiəçisi Rüfət Səfərov Abbasovun həbsini siyasi sifariş hesab edir. Abbasov İkinci Qarabağ Müharibəsi zamanı Azərbaycan Silahlı Qüvvələrinə dəstək qrupu yaradıb. O həmçinin həbsdə olan fəal Bəxtiyar Hacıyevin hüquqlarının müdafiəsi məsələlərilə məşğul olub. Səfərovun fikrincə, məhz buna görə həbs edilib.
Abbasov həbsindən bir neçə gün öncə Bəxtiyar Hacıyevin azad edilməsi çağırışı ilə dövlət başçısına müraciət hazırlayıb. Sənədi bir sıra tanınmış ictimai xadim imzayıb.
Sentyabrın 19-da Rail Abbasov onu dələduzluqda ittiham edən hansısa vətəndaşın şikayəti əsasında Nəsimi rayon polisi tərəfindən saxlanılıb. 16D
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz