Bakı/25.04.22/Turan: İctimai fəal Bəxtiyar Hacıyevin aprelin 21-də küçədən oğurlanması və təzyiqi ilə bağlı cinayət işi açılıb.
Bu barədə Bəxtiyar Hacıyevin özü məlumat verib.
Fəalın sözlərinə görə, onu bu gün DİN-in Baş Mütəşəkkil Cinayətkarlıqla Mübarizə İdarəsinin rəsisi qəbul edib. "Mənə qarşı törədilmiş cinayətdən 4 gün keçib, məsələ nazirin nəzarətindədir, bu gün Baş Mütəşəkkil Cinayətkarlıqla Mübarizə İdarəsinin rəisi qəbul edib, CM-nin 221.2.1 (xuliqanlıq) maddəsilə cinayət işi açılıb".
Lakin o araşdırmanın nəticələrinə şübhə ilə yanaşdığını deyir. "Günün böyük hissəsinin kağız-kuğuz, sənəd-sünəd, ərizə-izahat, "özüm yazmışam, imzamla təsdiq edirəm" kimi sovet dövründən qalma formallığına sərf olunması, yalnız 17:00 radələrində hadisənin baş verdiyi əraziyə baxış keçirilməsi məndə belə təəssürat yaradır ki, bu da əvvəlki "araşdırmalar" kimi nəticələnəcək".
B.Hacıyev hələ də təhlükəsizlik kameraların görüntünün olmamasını qeyd edib. "Sabah 5 gün keçəcək, hələ istintaqda kamera görüntüləri olmayacaq. DİN daxilində bir qurum digərinə sorğu göndərib, cavab gözləyəcək. 5 saat istintaqa kömək üçün vaxt sərf etmişəm, hələ ki, əldə bu gün çəkilən 5-6 fotodur. Əsas odur ki, "ərizə-izahat" sənədləşməsi yerində olsun. Hər halda mənim xüsusi bir qeyri-adi gözləntim yoxdur ki, operativ və obyektiv araşdırma gedəcək. Ancaq hər halda yenə də xatırladım ki, bu cinayətin açılması DİN və nazir üçün şərəf məsələsi olmalıdır. Ona qarşı atılmış addımdırsa, özü maraqlı olmalıdır açılmasında".
Daxili İşlər Nazirliyinin Mətbuat xidmətinin KİV və İctimaiyyətlə əlaqələr şöbəsinin rəisi Elşad Hacıyev Turana bildirib ki, hazırda həmin məsələ ilə bağlı Bəxtiyar Hacıyevin bildirdiklərindən başqa hər hansı yeni məlumat yoxdur. –06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz