Bakı/25.04.22/Turan: 24 aprel 2022-ci il tarixdə, axşam saatlarında Şəki şəhəri, Hüseyn Əkbərov küçəsi, bina 5 ünvanında yerləşən XVIII-XIX əsr tarixi abidəsinin - Dərə hamamının dam örtüyü çöküb.
Aprelin 25-də şəhər rəhbərliyi hadisə yerinə baxış keçiriblər.
Yerli fəal və jurnalist Aydın Məmmədovun verdiyi məlumata görə, Dərə hamamı 20 ildən çox idi ki istismardan çıxarılmışdı və baxımsız vəziyyətə düşmüşdü. Abidə Yuxarı Baş Milli Tarix-Memarlıq Qoruğu ərazisindəki XIX əsr mədəni irs nümunəsi kimi qeydə alınmışdır. Lakin AMEA Şəki Regional Elmi Mərkəzinin əməkdaşı və Şəki şəhərində fəaliyyət göstərən Ömər əfəndi məscidinin imamı Habil Xəlilov hesab edir ki, abidənin memarlıq üslubu daha çox XVIII əsrə uyğun gəlir. –0--
Mədəniyyət
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
Rəy yaz