«Beynəlxalq Bank işi» üzrə məhkəmədə Cahangir Hacıyevin qohumlarına verilən kreditlərdən danışılıb
Avqustun 25-də Bakı Ağır Cinayətlər Məhkəməsində “Beynəlxalq Bank işi” üzrə məhkəmə prosesi təqsirləndirilən şəxslərin ifadəsi ilə davam edib.
Hakim Əfqan Hacıyevin sədrlik etdiyi bugünki məhkəmə iclasında ilk olaraq təqsirləndirilən Anar Sultanov ifadə verib.
O, 2004-2010-cu illərdə Beynəlxalq Bankın Mərkəz filialının rəhbəri olub.
“Baş idarənin göstərişi olmadan filialın təminatsız 2 min, təminatlı isə 5 min manat kredit vermək səlahiyyəti olub. Bundan yuxarı kreditlər kredit komitəsi, idarə heyətinin qərarı ilə ayrılıb. Baş idarə qərar verəndən sonra kredit ayrılması məsələsində filial daha çox texniki rol oynayırdı. İdarə heyətinin qərarlarının icrası mənim üçün məcburi idi”, deyə o qeyd edib.
A.Sultanov prokurorun suallarına cavabda Cahangir Hacıyevin qohumlarına və yaxınlarına kreditləri onun qərarı ilə verildiyini bildirib.
Sultanov prokurorun sualının cavabında C.Hacıyevin sürücüsü Aydın Mehdiyevə 9 milyon manat kredit ayrıldığını təsdiq edib.
Prokuror həmçinin deyib ki, Mərkəz filialında Cahangir Hacıyevin qızının, xanımının adına plastik kartlar verilib. İstintaq müəyyən edib ki, Mərkəz filialından Cahangir Hacıyev də daxil olmaqla, onun qohumları olan 9 nəfərin adına kredit kartı açılıb.
Beynəlxalq Bankın filial rəhbərinin müavini İlqar Abdullayev ifadəsində deyib ki, 3 kredit müqaviləsində imzası var. -03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz