Açiq mənbələrdən foto.
Bakı/11.05.23/Turan: Daxili İşlər Nazirliyinin Baş Narkotiklərlə Mübarizə İdarəsi aprelin 11-dən mayın 11-dək 400 kiloqram narkotik maddəni (15 milyon manata yaxın) qanunsuz dövriyyədən çıxarıb. Bu barədə Turan-a Azərbaycan Daxili İşlər Nazirliyinin mətbuat xidmətindən bildiriblər.
Həmin dövrdə narkotik vasitələrin qanunsuz dövriyyəsində əli olmaqda şübhəli bilinən 49 nəfər saxlanılıb.
Silsilə əməliyyatlar zamanı İrandan Azərbaycana narkotik vasitələri qeyri-leqal yollarla göndərən “kanallar”a ciddi zərbə endirilib. Narkoşəbəkənin digər üzvlərinin saxlanması istiqamətində əməliyyatlar davam edir. Əsasən İrandan Beyləqan rayonuna narkotik maddə daşınmasının təşkilatçısı Tərlan Xasməmmədov saxlanılıb.
Ümumilikdə qanunsuz dövriyyədən 400 kiloqram narkotik vasitə və psixotrop maddə çıxarılıb. 06B
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz