Açiq mənbələrdən foto.
Bakı/16.06.21/Turan: İyunun 14 - də İranla sərhəddə sərhədçilər 154 kiloqramdan çox narkotik vasitə götürüblər.
Belə ki, gecə saat 3-də Cəbrayıl rayonunun Mahmudlu kəndi yaxınlığında sərhədçilər "Ford" markalı minik avtomobilini qeydə alıblar. Daha sonra avtomobil Cocuq Mərcanlı kəndində saxlanılıb. Sükan arxasında Ağstafa rayon sakini Samir Musayev (1993-cü ildə anadan olub) olub.
Baxış zamanı içində ümumi çəkisi 111,9 kiloqram narkotik və psixotrop maddə (70,12 kiloqram heroin, 12,1 kiloqram marixuana, 12,03 kiloqram metamfetamin, 300 qram tiryək, 4,06 min ədəd ümumi çəkisi 17,35 kiloqram olan "Metadon M-40" həbi, iki şüşə maye narkotik maddə) olan 5 idman çantası götürülüb.
Bu qaçaqmalın sifarişçilərinin müəyyən edilməsi zamanı Göygöl rayon sakini Anar Abdullayev (1996-cı ildə anadan olub) saxlanılıb.
Həmin gecə saat 05:55-də naməlum şəxs İran-Azərbaycan sərhəddini pozub və Cəlilabad rayonunun Məlikqasımlı kəndi yaxınlığında saxlanılıb.
Onun yanında ümumi çəkisi 42,6 kiloqram olan iki bağlama narkotik vasitə (24,848 kiloqram heroin, 9,25 kiloqram metamfetamin, 2,07 kiloqram marixuana, 3,31 kiloqram həşiş qətranı, 3,122 kiloqram çəkisi olan 5,020 min ədəd "Metodon-40" həbi), həmçinin 11,5 min dollar götürülüb. Bundan əlavə, sərhəd pozucusunda PM markalı tapança olub. Sərhəd pozucusunun İran vətəndaşı Behnam İlhami olduğu müəyyən edilib.
Faktlar üzrə araşdırma aparılır.-02D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz