![Recep Tayyip Erdogan.](https://turan.az/resized/media/2021/main/061600034412-750-500-resize.webp)
Recep Tayyip Erdogan.
Ərdoğan: “Türkiyə hər zaman Azərbaycanı dəstəkləyəcək”
Bakı/16.06.21/Turan: Qarabağın azad edilməsi müstəqil Azərbaycanın tarixində mühüm hadisə oldu. Bunu Türkiyə prezidenti Rəcəb Tayyib Ərdoğan bu gün Milli Məclisin deputatları qarşısında çıxış edərkən deyib.
"Qafqazda qanayan yara sağaldı. Bundan regionun bütün ölkələri faydalanacaq", - o vurğulayıb.
Ərdoğan azad edilmiş ərazilərə səfər zamanı gördüyü dağıntılardan təsirlənib. Onları 30 il bundan öncə öz evlərini tərk etməyə məcbur olan azərbaycanlılar dağıtmadılar: "Onlar öz evlərini dağıda bilməzdilər. İndi azərbaycanlılar ermənilərin dağıtdıqları hər şeyi bərpa edəcəklər. Biz yeni Qarabağ inşa edəcəyik, onu bərpa edəcəyik. Qarabağ dünyanın ən gözəl regionlarından biridir", - Ərdoğan deyib.
"Qoy, bütün dünya bilsin ki, biz Azərbaycanı dəstəkləmişik və dəstəkləyəcəyik", - o bildirib.
"Azərbaycan gəncləri Çanaqqalada Osmanlı ordusu sıralarında döyüşmüşlər, şəhid olmuşlar və Nuru Paşanın döyüşçüləri Azərbaycana köməyə, onun azadlığı uğrunda canlarını fəda etməyə gəlmişdilər. Eynilə də biz bu gün birlikdəyik və gələcəkdə də birlikdə olacağıq. Azərbaycanın sevinci bizim sevincimiz, azadlığı bizim azadlığımız, kədəri bizim kəədrimizdir. Nuru Paşa Qafqaza gələndə ermənilər 12 mindən çox türk öldürmüşdülər ", - Ərdoğan qeyd edib.
Bu gün Türkiyəni ittiham edənlər əvvəlcə Azərbaycana baxmalıdırlar. "Onlar 100 il öncəyə yox, 30 il öncə Xocalıda və Qarabağda baş verənlərə baxmalıdırlar.
30 il əvvəl deyil, 100 il əvvəl Xocalıda və Qarabağda baş verənlərə baxmalıdırlar. Onların gözləri, qulaqları var, amma görmürlər və eşitmirlər. Qoy, Füzuliyə gəlsinlər və görsünlər ki, burada hər şey necə yandırılıb və dağıdılıb", - Ərdoğan qeyd edib.-06D-
-
- Cəmiyyət
- 16 İyun 2021 17:21
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz