Açiq mənbələrdən foto.
Bakı/22.08.23/Turan: Masallı rayonunun Boradigah qəsəbəsinin (Bakıdan 229 km cənubda) bir qrup sakini Azərbaycan Prezidenti İlham Əliyevə və “Azərişıq” ASC-nin rəhbəri Vüqar Əhmədova bu qəsəbənin enerji təminatı problemlərinin həlli ilə bağlı müraciət edib.
Onlar qəsəbənin köhnəlmiş enerji infrastrukturuna diqqət yetirirlər.
"Son illər qəsəbənin enerji təminatı sahəsində görülən tək əsaslı iş sayğacların kütləvi dəyişdirilməsidir", - deyə müraciətin müəllifləri qeyd edir.
Onların sözlərinə görə, əksər elektrik dirəklərinin və transformatorların istismar müddəti başa çatıb.
Eyni zamanda, istisnasız olaraq bütün transformatorların ətrafında təhlükəsizlik zolaqları yaradılmayıb.
Əksər məhəllələrə verilən gərginlik normalda 220 -230 volt olmalı halda 190-195 voltdan çox olmur.
Az gərginlik qısa qapanmaya səbəbə olub, nəticədə məişət texnikaları sıradan çıxır. Əksər evlərdə kondisionerlər və məişət texnikaları əlavə stabilizatorlar hesabına çalışır.
Problem yaradan ən böyük səbəblərdən biri də Tüklə kəndindəki yarım stansiyadan Boradigaha gələn bir neçə kilometrlik məsafədəki əsas elektrik naqillərinin və dirəklərin bərbad olmasıdır.
Hətta güclü olmayan bir külək xətlərdə qırılmalara, işıq kəsilməsinə səbəb olur.
Qəzaların nəticələrini aradan qaldırmaq və enerji təchizatını bərpa etmək üçün saatlarla müxtəlif instansiyalara zəng etmək lazım gəlir.
Müraciət müəllifləri bu problemlərin operativ həlli üçün prezidentdən və “Azərişıq”ın rəhbərindən tapşırıqlar vermələrini xahiş edirlər.
Müraciəti Qarabağ müharibəsi veteranları, yerli ziyalıların nümayəndələri olmaqla 20-dən çox şəxs imzalayıb. 06D
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz