Bakı/21.12.18/Turan: Azərbaycan prezidenti İlham Əliyevin qızları çox güman ki, pulların yuyulması ilə bağlı hərəkətlərə cəlb olunublar, Britaniya məhkəməsi bildirib. Bu barədə Guardian qəzeti məlumat verib. Leyla və Arzu Əliyevaların Londonda 60 milyon funt dəyərində daşınmaz əmlak almaq cəhdləri müstəntiqləri şübhələndirib.
Guardian-ın məlumatına görə, söhbət Londonun Naytsbric rayonundakı iki mənzildən gedir. Mənzillər Bukinhem sarayı kraliçasının iqamətgahının yaxınlığında yerləşir. Onların alınması üçün offşor şirkətdən istifadə olunması planlaşdırılıb. Həmin şirkəti britaniyalı hüquqşünas Xalid Şərif Panamanın Mossack Fonseca firmasından alıb.
Sövdələşmə 2016-cı ildə ləğv edilib. Mossack Fonseca ("Panama dosyesi" adlandırılıb) haqda araşdırmaların dərcinin yekunlarına əsasən Əliyevlər ailəsinin üzvləri külli miqdarda pulun yuyulmasında şübhəli biliniblər.
Xəbər verilir ki, məhkəmə X.Şərifin üzərinə 45 min funt cərimə ödəmək öhdəliyini qoyub. Çünki o, Əliyevlərin vəsaitinin mənşəyini yoxlamayıb. Britaniya qanunvericilyinə görə, əgər ölkədə daşınmaz alan şəslər bu ya digər şəkildə siyasətə bağlıdırsa, belə yoxlamalar məcburidir. Istintaqın məlumatına görə, X.Şərif bunu etməkdən imtina edib, Azərbaycan prezidentinin qızlarının siyasətə bağlı olmadıqlarını bəyan etməyi öz assistentinə həvalə edib.
2016-cı ildə Mossack Fonseca haqda araşdırmalar dərc olunduqdan sonra Əliyevlər ailəsi London, Moskva, Dubay və Praqada daşınmaz əmlak alınması üçün offşor şirkətlər şəbəkəsindən istifadədə şübhəli biliniblər, "Azadlıq" radiosu Guardian-a istinadən bildirib.-0-
Cəmiyyət
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
Rəy yaz