Açiq mənbələrdən foto.
Bakı/12.11.21 / Turan: Ağsu şəhəri Heydər Əliyev küçəsi 98 saylı evdə yaşayan 2-ci dərəcəli əlil Muradova Şirmayı Abduləli qızı tərəfindən Turan-na göndərilmiş şikayət məktubunda belə deyilir.
Şirmayı xanım məktubunda bildirir ki, onun adına olan qaz sayğacı və smart kartı heç bir xəbərdarlıq olunmadan avqust ayında blok olunub.
Bu barədə Ağsu Regional Qaz İstismar İdarəsinin ərazi üzrə xidmət sahəsinə smart sayğacın dəyişdirilməsi, eləcə də smart kartın blokdan çıxarılması ilə bağlı dəfələrlə yazılı və şifahi müraciət etsələr də problem həllini tapmayıb.
"Sayğac avqust ayından blok edidiyindən qazdan istifadə edə bilmirik. İndi isə noyabr ayıdır. Bu yağışlı, soyuq havalarda qazsız qalıb, odun peçindən istifadə edirik. Bu isə səhhətim üçün çox zərərlidi", şikayət məktubunda belə yazılıb.
Şirmayı xanım probleminin işıqlandırılması ilə bağlı mediadan köməklik istəyib.
Turan məsələ ilə bağlı "Azəriqaz" İstehsalat Birliyi ilə əlaqə saxlayıb. "Azəriqaz" İstehsalat Birliyinin İctimaiyyətlə əlaqələr şöbəsinin rəhbəri Eldəniz Vəliyev problemi dinlədikdən birqədər sonra əlaqə saxlayaraq bildirdi ki, məsələ artıq həllini tapıb.
"Problem həll olunub, sayğac artıq yenisi ilə əvəzlənib"- Eldəniz Vəliyev Turan-a belə deyib. -0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz