Bakı/10.01.20/Turan: Cəlilabad rayon sakini Orxan Vəkilzadə narkotik maddələrin qanunsuz dövriyyəsinə görə polis tərəfindən saxlanılıb. DİN-in mətbuat xidmətinin məlumatına görə, onun evində axtarış zamanı 4 kq heroin və elektron tərəzi aşkar edilərək müsadirə edilib.
Dindirmə zamanı saxlanılan şəxs bildirib ki, narkotik maddəni İran vətəndaşından satmaq məqsədilə alıb. Faktla bağlı cinayət işi açılıb, Vəkilzadə həbs edilib.
Gömrükçülər İrandan gələn Azərbaycan vətəndaşı Xoşbəxt Abdullayevin avtomobilində də böyük partiya narkotik maddə aşkarlayıb və müsadirə edib.
Gömrük Komitəsinin mətbuat xidmətinin məlumatına görə, avtomobilə baxış zamanı avtomobilin tavanının ön hissəsində, tavana çəkilmiş üzlüyün altında içərisində 6 qablaşdırmada ümumi çəkisi 1100 qramdan çox olan heroin və 670 qramdan çox metamfetamin aşkar edilib.
Fakla bağlı araşdırma başlanılıb. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz