Bakı/09.07.21/Turan: D18 Hərəkatının üzvü Cəlil Zabidov Yardımlı rayon Polis Şöbəsi (Bakıdan 286 kilometr cənub) tərəfindən iyulun 7-də heç bir əsas göstərilmədən saxlanılıb və sonra Bakıya gətirilib. Zabidov dünən, iyulun 8-də axşam saat 19-da izahatı alınaraq sərbəst buraxılıb. Bu barədə D18 Hərəkatı məlumat yayıb.
D18 Hərəkatı fəalın harada saxlanıldığı və izahatı hansı orqanın alması barədə məlumat vermir. Həmkarları Zabidovun saxlanılmasını onun Facebook-da “Ölkədə olunan haqqsizlıqlara #etirazedirəm!” kampaniyasında iştirakı ilə əlaqələndiriblər.
D18 Hərəkatının fəalı Cəlil Zabidov bundan öncə 2020-ci ilin mayında Yardımlı rayon Məhkəməsinin hökmü ilə Cinayət Məcəlləsinin 221.1-ci maddəsində (xulianlıq) nəzərdə tutulan əməli törətməkdə təqsirli bilinərək 5 ay müddətinə azadlıqdan məhrum olunub.
Cəlil Zabidovun həbsi Yardımlı rayonunda “Korrupsiyaya yox de” internet səhifəsində korrupsiya halları ilə bağlı məlumatları yaymasından sonraya təsadüf edib.
Daxili İşlər Nazirliyindən şərh almaq mümkün olmayıb. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz