Açiq mənbələrdən foto.
Bakı/02.11.20/Turan: Dağıstanın Qullar qəsəbəsində Vətənə dönməyi gözləyən Azərbaycan vətəndaşları üçün çadır düşərgəsi bağlanıb.
Havanın soyuması ilə əlaqədar çadır düşərgəsinin sakinləri Dağıstanın pansionatlarına köçürülüblər. Bu barədə Turan-a məlumatlı mənbələrdən bəlli olub. Əsasən bu müəssisələrdə 299 nəfər yerləşdirilib.
Ümumilikdə, Dağıstanda RF-dən Azərbaycana qayıtmaq istəyən 1197 nəfər qeydiyyata alınıb. Qalanlar tanışların, qohumların yanında qalır və ya mənzil kirayələyir.
Azərbaycan xüsusi karantin rejimi ilə əlaqədar qonşu ölkələrlə quru sərhədlərini bağlayıb. Bundan sonra Azərbaycan vətəndaşları aprel ayından Dağıstanda toplaşmağa başlayıblar.
Əvvəlcə onlar üçün ayda bir dəfə, sonra ayda iki dəfə buraxılış tətbiq olunub. İyunun sonundan həftəlik buraxılışlar olub. Lakin sentyabrın 27-də hərbi əməliyyatlar başlayandan sonra vətəndaşların buraxılışı dayandırılıb. Yalnız iki həftə öncə əsasən qadın və uşaqlardan ibarət 210 nəfərdən ibarət qrup buraxılıb.
Dağıstan başçısı vəzifəsinin müvəqqəti icraçısı Sergey Məlikov oktyabrın 31-də Dağıstan FHN Situasiya Mərkəzinə baş çəkib. Ona Dərbənd rayonu Qullar qəsəbəsində müvəqqəti yerləşdirmə məntəqəsindəki vəziyyət barədə məlumat verilib.
Havanın soyuması ilə əlaqədar onların çadır düşərgəsindən müvəqqəti yerləşdirmə məntəqəsinə köçürülməsi ilə bağlı məsələlər ətraflı müzakirə olunub, RİA Novosti agentliyi bildirib. —06В-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz