Bakı/09.01.23/Turan: Yanvarın 9-da daha 7 fəal Milli Şuranın və Müsavat Partiyasının həbsdə aclıq edən üzvü Tofiq Yaqubluya dəstək məqsədi ilə Müsavat Partiyasının qərargahında aclığa başlayıb.
Bununla da Tofiq Yaqublu da daxil olamqla hazırda 12 ictimai-siyasi fəal aclıq edir.
Bu gün həbsdə olan ictimai fəal Bəxtiyar Hacıyev də yenidən aclığa başladığını elan edib.
Belə ki, dekabrın 9-da Azərbaycan Xalq Cəbhəsi Partiyasının fəalları Babək Həsənov, Əlzamin Salayev, Ceyhun Novruzov, Əlzamin Kazımov, Sakit Məmmədli, Tofiq Məmmədov, Müsavat Partiyasının fəalı Əziz Məmiyev Müsavat Partiyasının qəraragahında aclığa başlayuıb. Bundan öncə isə Tofiq Yqublunun həyat yoldaşı Maya Yaqublu, AXCP fəalları Saeymur Əhmədzadə və Elnur Quliyev Tofiq Yaqublunun evində aclıq edir.
AXCP fəalı Babək Həsənov Amerikanın Səsinə bildirib ki, aclıq aksiyası daha da genişlənəcək.
“Çoxsaylı fəallar aclıq aksiyasına qoşulmaq üçün müraciət edib. Sadəcə olaraq Müsavat Partiyasının qərargahında yer az olduğundan onlar sıramıza qatıla bilmir. Belə qərarlaşmışıq ki, sıra ilə aclığı sonadək davam etdirək. Aksiyamızın tələbi ilk olaraq Tofiq Yaqubluya dəstəksdir. Amma, biz həm də Bəxtiyar Hacıyevə və ümumilikdə bütün siyasi məhbuslara azadlıq tələb edirik. Bu məqsədlə aksiyamızı tələblərimizə nail olanadək davam etdirəcəyik”, o qedy edib.
Tofiq Yaqublu dekabrın 23-də Bakının mərkəzində insan hüquqları fəalı Bəxtiyar Hacıyevin azadlığa buraxılması tələbi ilə keçirilən etiraz aksiyasında saxlanıb.
Həmin gün Səbail Rayon Məhkəməsi hakim Mədinə Bağırovanın sədrliyi ilə Tofiq Yaqublunu İnizbati Xətalar Məcəlləsinin 535.1 (polisin qanuni tələbinə tabe olmamaq) və 510-cu (xırda xuliqanlıq) maddələri ilə təqsirli bilərək 30 sutka inzibati həbsə məhkum edib.
Tofiq Yaqublu məhkəmədə çıxışında həbs qərarını siyasi sifariş kimi qiymətləndirib. Yaqublu “Bəxtiyar Hacıyevə azadlıq” tələbi ilə keçirilən aksiyadan sonra həbs edilən yeganə şəxsdir.
Yanvarın 5-də Bakı Apellyasiya Məhkəməsi Tofiq Yaqublunun həbsindən verilən apellyasiya şikayətini təmin etməyib. O məhkəmədə Daxili İşlər Nazirliyinin İnzibati Həbs Olunanlanların Saxlanma Məntəqəsində ailə üzvləri ilə görüşə icazə verilməməsinə, sovqatların qəbul edilməməsinə və məhkəmə qərarına etiraz olaraq aclıq elan etbiyini bildirib.
Tofiq Yaqublu buna qədər də dəfələrlə həbsdə olub.
İnsan hüquqları fəalı Bəxtiyar Hacıyevin barəsində ötən il dekabrın 9-da Bakının Xətai Rayon Məhkəməsi 1 ay 20 gün həbs qətimkan tədbiri seçib. O, xuliqanlıq və məhkəməyə hörmətsizlikdə ittiham olunur. Amma özü bu ittihamı qəbul etmir.
Bəxtiyar Hacıyevin həbsi geniş tənqidlərə yol açıb. "Müdafiə Xətti" hüquq müdafiə təşkilatının təşəbbüsü ilə fəallar dekbarın 23-də Bakının mərkəzində Hacıyevin həbsinə etiraz olaraq aksiya keçirib.
Bu gün, yanvarın 9-da Bəxtiyar Hacıyev məhkəməzalında yenidən aclığa başladfığını bildirib. Bundan öncə Hacıyev 14 gün aclıq aksiyası keçirib. -03-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz