Açiq mənbələrdən foto.
Bakı/26.04.21/Turan: Neftçala rayon xəstəxanasının direktoru Elman Quliyev vəzifə səlahiyyətlərindən sui-istifadədə şübhəli bilinərək istintaqa cəlb edilib.
Neftçala Rayon Prokurorluğunun məlumatına görə, Quliyevin rəhbərlik etdiyi xəstəxana 2020-ci il ərzində koronavirus xəstələrini stasionar müalicə üçün qəbul etməsə də, direktor tibbi heyət üçün əlavə ödənişlə bağlı hesablama cədvəli hazırlayıb.
Nəticədə Quliyev dövlətə 25 min manat ziyan vurub. Onun barəsində Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi açılıb. Məhkəmə xəstəxananın direktoru barəsində başqa yerə getməmək haqqında iltizam qətimkan tədbiri seçilib. İstintaq zamanı dövlətə vurulmuş ziyanın qaytarılması təmin edilib. -06D-
Cəmiyyət
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
Rəy yaz